Náttúruhamfarir, ekki sirkus undir Eyjafjöllum

Forvitnin drap köttinn segir máltækið og ég er ekki að tala um óhapp á flokksfundi hjá Vinstri grænum. Það er eins og fólk geri sér ekki grein fyrir því að nú standa yfir náttúruhamfarir á Eyjafjöllum.

Myndast hefur ný gossprunga með sjö gígum og nú er Mýrdalsjökull að liðast í sundur. Svæðið þarna er allt á fleygiferð undir fótunum á fólki. Guð gefi að engin alvarleg slys verði.

Björgunarsveitir eiga heiður skilinn fyrir óeigingjarnt starf við að leiðbeina og stundum burðast með ferðamenn til byggða sem hætta sér of nálægt gossvæðinu, örmagnast sökum þjálfunarleysis eða verða fyrir ofkælingu.

Ný jökulsprunga í Goðabungu

Athugasemdir

[Hamarinn, 31.3.2010 kl. 23:46]

Gleymdu því ekki að sagt er að kötturinn hafi 9 líf!!!

[Theódór Norðkvist, 31.3.2010 kl. 23:50]

Ef lætin halda áfram þarna austur frá verða kettirnir þar fljótir að klára þau öll!

[Hamarinn, 31.3.2010 kl. 23:52]

Ég var nú aðallega að vísa til kattanna í VG.

[Helga Kristjánsdóttir, 1.4.2010 kl. 01:30]

 Margir taka ekki ráðleggingum björgunarsveita. Þótt þeim finnist þeir ráða eigin ferðum hvernig sem þeir eru útbúnir,kemur alltaf til kasta björgunarsveitanna  að bregðast við ef óhapp verður. 

[Jón Garðar 1.4.2010 kl. 02:21]

Vonandi verða eyfellsku kettirnir ekki fyrir ofkælingu. Það er að vísu alkunna að ofkælingar fara hratt yfir og þvælast víða á þessum árstíma en sem betur fer hafa flestir kettir vit á því að halda sig inni þegar von er á ofkælingum enda viðbúið að þeir ofkælist verði þeir fyrir einni slíkri.

[Theódór Norðkvist, 1.4.2010 kl. 02:33]

Þakka innlit og athugasemdir. Spurning hvort ætti ekki að senda Jóhönnu í kattasmölun þarna austur eftir, hún hefur svo mikla reynslu eftir VG-samstarfið!

Rétt Helga og við þetta má bæta að björgunarsveitarfólkið er líka að setja sig í hættu við að bjarga fólki í vandræðum.