Er Jónas Kristjánsson að boða fasisma

Ég les stutta og snarpa pistla Jónasar Kristjánssonar fyrrverandi ritstjóra DV öðru hvoru. Honum tekst  ætíð að segja í nokkrum setningum það sem sumir aðrir vefritarar þurfa fjórar skjáfyllir til að koma til skila.

Hann á það til að ganga fram af fólki og gekk fram af mér í pistli í dag, þar sem hann er að fjalla um refsingar fyrir ofbeldisbrot. Gamli ritstjórinn vill að hinum seku verði hent ofan í gömul og yfirgefin haughús. Jónas segir:

Nóg er til af haughúsum á jörðum, sem komnar eru úr ábúð. Kaupa má eitt slíkt fyrir slikk. Sturta má ólæknanlegum dólgum niður um opið á haughúsinu. Skutla síðan til þeirra vatni og brauði einu sinni á dag. Út í hött er að láta þá ganga lausa til að angra fólk eða fórna dýru fangelsisplássi. Þeir eiga bara að vera í svartholi siðaðri tíma.

Þar hafið þið það. Er þetta ekki góð lýsing á fasisma, eða er karlinn að tapa sér?

Athugasemdir

[Óskar Helgi Helgason 16.5.2010 kl. 02:31]

Heill og sæll Theódór; æfinlega !

Þarna; skaustu rækilega yfir markið, Theódór minn. Um leið; og ég vil taka undir hvert orð Jónasar, vil ég leiðrétta sögulega vanþekkingu þína, um leið.

Gryfju; eða þá dýkja notkunin, hafði plagast allvíða, lengst aftan úr Fornöld - og langt inneftir Miðöldunum, þér; að segja.

Hefir ekkert; með Fasismann að gera, ágæti drengur.

Með beztu kveðjum; sem jafnan, úr Árnesþingi /

Óskar Helgi Helgason