Hræðslu- og hótanaáróður álsinna

Svo virðist sem fjársterkir aðilar, sem hafa hagsmuna að gæta, vegna álversins í Straumsvík, séu að herða dulbúinn (eða ekki svo dulbúinn) hræðsluáróður sinn í þeim tilgangi að hræða Hafnfirðinga til að kjósa með stækkun álversins.

Nýjasta dæmið er frétt á vef Ríkisútvarpsins, þar sem formaður Samtaka iðnaðarins varar við atvinnuleysi, verði álverið kosið í burtu, eins og hann orðar það. Það eru rangfærslur hjá formanninum að tala um að verið sé að kjósa álverið í burtu, það er verið að kjósa um stækkun þess.

Reyndar er það enn eitt dæmið um hræðsluáróður, þegar forsvarsmenn Alcan bera það á borð að álverið fari rakleitt á höfuðið, fái það ekki að stækka verksmiðju sína.

Ég held að Hafnfirðingar séu skynsamari en svo, að þeir láti svona málflutning ginna sig.