Fyrst og fremst uppreisnarseggir sem eru á móti skynsamlegum sóttvarnaaðgerðum

Það er mjög sterkt í mannskepnunni að rísa upp gegn hvers kyns yfirvaldi. Á þessa andstöðu gegn sóttvörnum verður að horfa í því ljósi. Það eru fyrst og fremst uppreisnarseggir, stjórnleysingjar og frjálshyggjumenn sem eru á móti eðlilegum sóttvörnum. Þeir hafa alltaf verið á móti yfirvaldi, þannig að nöldrið í þeim er ekkert nýtt. Flestir aðrir a.m.k. eiga að geta sýnt þolinmæði og ekki fara á taugum.

Ég get ekki séð hvert er vandamálið þó maður geti ekki þvælst um haugfullur á öldurhúsum langt fram á morgun, eða megi ekki fara í sund. Það er hægt að fara í sturtu eða heitt bað heima hjá sér, þó vissulega sé rétt að gæta að hreinlæti þegar látið er renna í pottinn, bara vegna eigin fjölskyldumeðlima.

„Hvenær er eðlilegt að fólk deyi?“

Athugasemdir

[Þorsteinn Siglaugsson, 28.10.2020 kl. 20:39]

Það er fyrst og fremst skynsamt fólk sem er á móti heimskulegum aðgerðum, sem grundvallast á þeirri firru að hægt sé að hindra að veira sem hefur dreift sér um alla heimsbyggðina ljúki við að "vinna sitt verk". Slík fáránleg tilraunastarfsemi hefur aldrei verið reynd áður í nútímanum og augljóst að hún skilar engum árangri, aðeins stórtjóni, sem fyrst og fremst bitnar á þeim sem minnst mega sín.

[Theódór Norðkvist, 28.10.2020 kl. 22:07]

Ég botna ekkert í því hvað þú átt við með að leyfa veirunni að ljúka við að vinna sitt verk. Ertu að segja að veiran hætti bara að dreifast þegar hún er búin að ná ákveðið mikilli útbreiðslu? Ertu ennþá fastur í draumórunum um hjarðónæmi af náttúrunnar völdum?

Ég myndi segja að það sem þú virðist vera að stinga upp á, sé einmitt mesta tilraunastarfsemin, að leyfa veirunni bara að valsa um allt samfélagið, þú þú segist vilja vernda þá viðkvæmari sem þú hefur aldrei skýrt út hvernig á að gera.

Þú gleymir því að þeir sem annast hina viðkvæmu, eru einmitt að mestu leyti ungt fólk. Ætlarðu að vernda viðkvæmu hópana með því að dreifa smituðu hraustu hópunum 360 gráður í kringum hina fyrrnefndu?