Hvað ætli Spánverjar séu að hugsa?

Þjóðverjar hafa spilað leiftrandi góða knattspyrnu í þessu móti og þessi leikur í dag er þeirra besti hingað til. Öfugt við það sem oft hefur átt við þýska liðið, þegar þeir hafa verið að spila leiðinlega kraftakarla knattspyrnu á heimsmeistaramótum og þótt stálheppnir að komast alla leið, verðskulda þeir sannarlega að vera komnir þangað sem þeir eru komnir.

Líklegt verður að teljast að þeir spili til úrslita og hampi heimsmeistaratitlinum. Ég velti því fyrir mér hvað bærist í kollum Spánverja núna. Hvort þeir ættu að panta sér flug heim strax á morgun? Eða Paragvæmenn, fari svo að þeir hafi betur í leiknum í kvöld.

Þjóðverjar stórkostlegir og burstuðu Argentínumenn, 4:0

Athugasemdir

[Guðmundur Júlíusson, 3.7.2010 kl. 17:39]

Þeir eru örugglega að hugsa um paelluna sem þeir eru vonandi búnir að inbyrða og eru saddir og glaðir, en þeir eru örugglega ekki að velta sér upp úr úrslitum dagsin, ekki svo neinu skiptir.

[Trausti Trausta 4.7.2010 kl. 03:22]

Þú hefur greinilega ekkert vit á sögu þýzka landsliðsins, því allir sem þekkja til sögu Þýzkalands vit að þeir hafa ávalt spilað skipulagðan en sókndjarfan leik.

Það þarf bara að líta á sögu liðsins en ekki bara lifa í núinu ... ( núna held ég með Þjóðverjum ) !

Þrír heimsmeistatitlar, þrír evrópumeistaratitlar

 Ekkert lið farið eins oft í úrslitaleik, lið sem spilar leiðinlegan kraftabolta er ekki stálheppið og nær svona afrekum ... DÚFUS

[Theódór Norðkvist, 4.7.2010 kl. 07:37]

Sælt veri fólkið. Guðmundur ég skal ekkert fullyrða hvort burstið í gær hafi sent skjálfta upp á sjö á Richter í herbúðir Spánverja, enda þarf mikið til að raska ró Vicente del Bosque. Held samt að hann hljóti að vera farinn að safna að sér myndbandsupptökum til að finna veikleika í þýska liðinu, ef þeir skyldu vera til staðar!

Trausti ég skal leiðrétta þetta aðeins. Síðustu þrjú stórmót eða frá og með HM-2006 hafa Þjóðverjar verið með gott sóknarlið.

[Guðmundur Júlíusson 9.7.2010 kl. 19:24]

Jæja, nú vitum við allavega að paellan, sem ég veit fyrir víst að þeir borðuðu, fór vel í menn því þeir tóku Þjóðverja í nefið!