Leið til friðar - er hún fær?

Hvað sem segja má um Trump, hefur hann bein í nefinu. Donald Trump getur samt ekki breytt bakgrunninum að þessari snúnu deilu. Bakgrunnurinn er að í 150 ár hafa Gyðingar og Arabar slegist um þetta land. Báðir aðilar hafa framið hræðilega stríðsglæpi.

Gyðingar hröktu Araba á flótta og rændu landi þeirra sem þeir kalla núna Ísrael. Hvað eftir annað frömdu þeir ljót hryðjuverk á Aröbum, hryðjuverk sem eru ekkert skárri en hryðjuverk Hamas 7. október 2023. Má þar á meðal nefna fjöldamorðið í Deir Yassin 1948, þegar Gyðingar réðust á þorpið meðan íbúarnir voru enn í fastasvefni og drápu 107 manns, þar á meðal óléttar konur.

Menachem Begin var á lista BRETLANDS 1948 yfir eftirlýsta hryðjuverkamenn, dauða eða lifandi. Nokkrum áratugum seinna varð hryðjuverkamaðurinn forsætisráðherra Ísraelsríkis.

Ef það á að semja frið, við hvaða landamæti á að miða? Fyrir 1948? Væri svo sem ekkert ósanngjarnt, því allt land Ísraelsríkis eftir 1948 er afrakstur landráns. Kannski voru nokkrir smáskikar land sem Gyðingar keyptu af Ottómanveldinu, hugsa að það hafi ekki verið mikið.

Eftir 1948, en á undan sex daga stríðinu 1967? Eða miða við landamærin eins og þau eru í dag? Það væri frekar ósanngjarnt gagnvart Aröbum, því Gyðingar hafa í marga áratugi étið stærri og stærri sneiðar af Vesturbakkanum.

Þannig að ótal spurningum er ósvarað. Auk þess held ég að deilan sé komin í það harðan beiskjuhnút, að ég á erfitt með að sjá að Gyðingar og Arabar geti nokkurn tímann verið í friðsamlegri sambúð.

Ræddi við Netanjahú: Komnir „ansi nálægt“ samningi

Það er ekki gyðingahatur að krefjast að Ísraelsstjórn fari að alþjóðalögum

Auðvitað ekki. Samt eru til menn sem halda því fram. Þeim mönnum bendi ég á að hafa samband við Geðdeild Landsspítalans.

Að efninu. Þegar hryðjuverkið 11. september 2001 þar sem hryðjuverkamenn tóku stjórn á tveimur farþegaþotum og flugu þeim á Tvíburaturnana, spurði George W. Bush þessarar spurningar:

Why do they hate us so much?

Magnús Þorkell Bern­harðs­son, sér­fræð­ing­ur í sögu Mið-Aust­ur­landa, sneri þessari spurningu við og spurði hvað höfum við gert fyrir íbúa Miðausturlanda, til þess að þeir ættu eitthvað sérstaklega að elska okkur?

Við berum ábyrgð. Ef við horfum upp á ranglæti og gerum ekkert til að mótmæla því ranglæti, eða lina þjáningar þeirra sem verða fyrir grimmilegum árásum, erum við í raun að samþykkja ranglætið. Þá getum við ekki kvartað ef við verðum fyrir samskonar ranglæti sjálf.

Við viljum líklega öll ekki verða fyrir því að hús okkar verði jöfnuð við jörðu. Það eru vissulega litlar líkur á slíku á Íslandi. Ég tel engu að síður að með stuðning vil hjálparstarf, þá sér bæði Guð sjálfurr framlagið og forráðamenn viðkomandi hjálparstarf og verða þakklátir.

Ég hvet alla til að styrkja Rauða Krossinn, eða Flóttamannahjálp SÞ. Kæri lesandi, þín rödd ein og sér er vanmáttug í hinum stóra heimi, en það getur munað um peningaframlag til þeirra sem svelta, hvort sem það er í Gaza, Súdan eða annars staðar.

 

32 drepnir í Gasaborg