Nágrannar hrista hausinn

Hvernig gátum við siglt þjóðarskútunni svona illilega í strand á öllum sviðum? Gjaldmiðillinn hruninn, trúverðugleikinn fokinn og fákeppni á öllum sviðum.

Það er ekki skrýtið þó Svíar og margir aðrir klóri sér í höfðinu yfir hlutskipti okkar. Hætta á því að landið hverfi aftur til nítjándu aldar hvað lífsskilyrði varðar og í þokkabót heyrir frjáls fjölmiðlun sögunni til.

Ég tel að það sé raunveruleg hætta á því að einhver nágrannaþjóð eða nokkrar saman taki sig til og hernemi landið til að koma í veg fyrir meira rugl. Ég stórefa það allavega að vestræn ríki taki þá áhættu að Ísland og hin mikilvæga siglingaleið norður fyrir landið komist undir yfirráð Rússa.

Sennilega væri það ekki verra hlutskipti en að láta núverandi stjórnvöld sitja áfram í rústunum, sem neita að horfast í augu við eigin afglöp og þvælast fyrir öllu björgunarstarfi.

Áhyggjur af fjölmiðlum hér

Athugasemdir

[Rósa Aðalsteinsdóttir, 20.10.2008 kl. 13:11]

Sæll Teddi minn.

Vona að Geir hinn harði og Sóla fari nú að vinna rösklega að björunaragerðum. Þetta gengur allavega ekk svona til lengdar.

Megi almáttugur Guð varðveita okkur og lýðræðið okkar.

Kær kveðja/Rósa

[Theódór Norðkvist, 20.10.2008 kl. 13:27]

Sæl Rósa, takk fyrir góða kveðju. Guð blessi þig sömuleiðis.