Verðtryggjum bara launin

Þau stéttarfélög sem eru með lausa samninga næst, SFR, BSRB og BHM, eiga að fara fram á að laun verði tengd við vísitöluna aftur. Vísitölutenging launa var afnumin til að koma í veg fyrir víxlverkun launa og verðlags með tilheyrandi óðaverðbólgu.

Staðan er bara orðin sú, að á meðan bankar, atvinnufyrirtæki, allir aðrir en launafólk hengja sig í verðtrygginguna, eða réttara sagt hengja sig í henni, þá hafa laun vinnandi stétta setið eftir og verið komin upp á náð og miskunn atvinnurekenda og stundum ríkisvaldsins.

Tengjum launin aftur í vísitöluna! Það verður bara að hafa það, ef það kemur óðaverðbólga. Þá allavega verður einhver hemill settur á okur verslana, þjónustuaðila og fjármálastofnana, en eins og staðan er í dag er ekkert sem kemur í veg fyrir að þeir geti okrað eins og þeir vilja á vörum, þjónustu og vöxtum. 

Forsendur samninga að bresta?

Athugasemdir

[corvus corax, 25.3.2008 kl. 17:07]

Sammála, bara ein aðalkrafa í samningunum framundan, verðtrygging launa!

[GOLA RE 945, 25.3.2008 kl. 17:15]

Sammála. Launafólk hefur dregið vagninn frá því í svokölluðum þjóðarsáttarsamningum. Síðan hefur verið þjóðarsátt um að halda launafólki á hnjánum. Nú er mál að linni og farþegarnir í vagninum taki við að draga.