Aumkunarverður Pétur Blöndal

Pétur Blöndal var aumur í Kastljósinu í kvöld, þegar Steingrímur J. benti á að almenningi í landinu er sendur reikningurinn fyrir verðbólgunni sem hefur verið komið af stað með ofþenslu í hagkerfinu, sem ríkisstjórnin hefur stuðlað að með stóriðjustefnunni.

Hann reyndi að kenna vaxtahækkunum Seðlabankanum um vandann. Það er aumt að horfa upp á þá sem hafa haft tögl og hagldir í öllum meiriháttar ákvörðunum í efnahagsmálum síðustu 17 árin kenna öllum öðrum en sjálfum sér um ástandið.

Það er siður þeirra sem eru í afneitun gagnvart eigin heimsku, t.d. drykkjumönnum á kafi í neyslu, að kenna öllum öðrum en sjálfum sér um eigið böl. Sorglegt samt sem áður að sjá æðstu ráðamenn landsins í þeirri stöðu. Eiturlyf þeirra er álvæðing og virkjanaæði, með tilheyrandi þrýstingi á hagkerfið.

Verst að almenningur tekur út timburmennina, en ekki þeir sem helltu víninu í hagkerfið.