Stórgóð grein um glæpi Ísraelsríkis

Ég vil vekja athygli á grein Sigurðar Skúlasonar leikara, í Morgunblaðinu í gær. Hann er þar að svara hvítþvotti sendiherra Ísraels á glæpum þeirra gegn palestínusku þjóðinni.

Hann lýsir því hvernig Ísraelsmenn hegða sér gagnvart Aröbunum og spyr hverjir séu mestu hryðjuverkamennirnir í þessari deilu. Þetta er stórgóð grein og ég hvet alla til að lesa hana.

Sigurður segir allt sem segja þarf um þá stríðsglæpi Ísraelsríkis sem þrífast í skjóli Bandaríkjanna og óbeint í skjóli Íslendinga, sem gera ekki neitt til að mótmæla glæpunum, nema örfáir hugrakkir menn og konur, enda er Ísland ekkert annað en leppur Bandaríkjanna í alþjóðastjórnmálum (mín orð, ekki Sigurðar.)

Auk þess eiga Íslendingar að hafa bein í nefinu til að hætta að versla við þau bandarísku fyrirtæki sem standa á bak við efnahag Ísraelsríkis og ég hef nefnt í fyrri færslu. Ætlum við að láta aðra helför viðgangast?

Lesið endilega grein Sigurðar.