Leigubloggarar - hverjir eru þeir?

Mér var ríkt í huga að skrifa um þá sem ritskoða bloggin sín, en ég get ekki orða bundist yfir orðum Egils Helgasonar í Silfrinu í dag. Hann talaði um að þingmenn væru komnir með aðstoðarmenn og það væru menn eða konur sem hafa verið að raða stólum hjá stjórnmálaflokkum eða blogga fyrir þá.

Því spyr ég ykkur bloggara og lesendur:

Eruð þið að blogga í von um umbun frá stjórnmálaflokkum eða fjársterkum aðilum? Ég vil fá að vita það, því það er ljóst að þeir bloggarar eru algerlega ómarktækir.

Veit einhver um bloggara á vegum ákveðinna stjórnmálamanna eða -flokka, aðra en núverandi eða fyrrverandi þingmenn og ráðherra?

Ég geri mér grein fyrir því að það er hægt að fullyrða að hver sem er fái greitt fyrir að blogga, en ég kýs að treysta á heiðarleika fólks. Ég fullyrði við drengskap minn að ég fæ ekki greitt fyrir að blogga, það er bara kostnaður við það fyrir mig.