Bjössi slær um sig á Skaga

Ísbjörn í æðarvarpi,
í mestu makindum lá,
kom af stað miklu karpi
og gæddi sér eggjum á.

Ísbjörn í æðarvarpi

Athugasemdir

[Sigurlaug 16.6.2008 kl. 21:55]

flott ljóð

[Theódór Norðkvist, 16.6.2008 kl. 21:59]

Takk fyrir, frænka.

[Úlfar Þór Birgisson Aspar, 16.6.2008 kl. 22:43]

Umhverfisráðherra vildi vel

Og björgólfur bauðst til að borga,

bjössi sat og á eggjum el

meðan þyrla sveif  þá bjössi fór að dorga.

[Theódór Norðkvist, 16.6.2008 kl. 23:44]

Má til með að birta aftur endurbætta vísuna mína um bjarnarævintýrið hið fyrra, 3. júní:

Bjössi einn brjálað allt gerði, 
glímdi við laganna verði.
Þeir ákváðu að skjóta
skepnuna ljóta
svo engan hún sundur merði.

[Sigurjón, 17.6.2008 kl. 03:55]

Þið hafið greinilega aldrei heyrt talað um ,,bragfræði", hvað þá kynnt ykkur hana.

[Úlfar Þór Birgisson Aspar, 17.6.2008 kl. 08:08]

Nei Sigurjón við erum ekkert að rembast við að vera eitthvað sem við erum ekki,bara að hafa gaman af lífinu.Ég vona að það sé ekki glæpur að yrkja slæma limru eða þannig hehehe.

Veit ég vel að ég er vonlaus bragfræðingur,en ég sá þessa vísu hjá vini mínum Tedda og orti mína á 1 mín svo auðvitað er ekki von á góðu.

[Tinni 17.6.2008 kl. 11:34]

Það gat nú verið,  hið kristilega siðferði, þ.e. trúarvitleysingjar eins og TN og bloggvinir hans, vilji nú einmitt drepa björninn fyrir að borða nokkur andaregg...  hillbillyar norðursins bændadurgar vestursins hlaupandi um í lopapeysu með angandi daun af hesta og rolluskít

Í yfirlætislegri stalladýrkun og trú á að þið séuð með réttlætið og vitið á ykkar hlið....   Fréttir þið eruð óendalega hallærisleg og vitlaus..

[Theódór Norðkvist, 17.6.2008 kl. 12:23]

Tek undir með honum Úlla. Ég áskil mér rétt til að kasta hvaða leirburð sem er fram. Ef Sigurjón Vilhjálmsson er svona mikill bragfræðingur má hann alveg koma með betri vísur á þessum vettvangi.

Ég skil ekki hvað Tinni er að bulla. Ég er ekki hlynntur því að skjóta björninn. Þessi seinni vísa er um hinn ísbjörninn sem VAR skotinn og er ég að lýsa því í vísunni. Þeir spurðu mig aldrei álits hvort skjóta ætti skepnuna. 

[Sigurjón, 17.6.2008 kl. 16:17]

Gott og vel:

Ísbjörninn í æðarvarpi,
úti á skerjum lá,
af stað miklu kom hann karpi
kjamsaði eggin sá.

Umhverfisráðherra vildi vel,

Vildi Bjöggi borga.

Át hann egg með skurn og skel,

skeleggur að dorga.

Bjössi einn brjálað allt gerði, 
barðist við laganna verði.
Þeir skyldu hann skjóta
skepnuna ljóta
svo engan hún bryti og berði.

Þar hafið þið það... 

[Úlfar Þór Birgisson Aspar, 17.6.2008 kl. 16:27]

Ég játa mig sigraðann Sigurjón,þetta er alveg grand hjá þér kæri vinur.

[Theódór Norðkvist, 17.6.2008 kl. 20:16]

Sko karl, hann tók okkur heldur betur í nefið! Verð að segja að ég vanmat Sigurjón. Flottar vísur.

Sorglegur endir samt á máli birnu. En sennilega var ekkert að gera en að taka út skepnuna fyrst hún stakk sér til sunds. Þá hefðu þeir getað misst sjónar á henni.

[Sigurjón, 19.6.2008 kl. 00:54]

Ég þakka.  Þetta er mest æfing, fremur en einhver gáfa.  Gott er að kynna sér reglur bragsins, t.d. á vef kvæðamannafélagsins Iðunnar.