Myntkörfulán - þrefalt lögbrot

Það eru sennilega engar fréttir að lánastofnanir brjóti lög, óskráð sem skráð. Ég vil samt benda á að með því að veita hin svonefndu erlendu lán til heimila og fyrirtækja er verið að brjóta a.m.k. þrenn lög.

Í fyrsta lagi lög um nr. 22/1968 um gjaldmiðil Íslands. Í 1. gr. laganna kemur fram að krónan sé gjaldmiðill Íslands.

Í öðru lagi lög nr. 87/1992 um gjaldeyrismál. Orðrétt segir í athugasemd við  við 1. gr. lagafrumvarpsins:

 

Rétt er að vekja athygli á því að það fer eftir búsetu útgefanda hvort verðbréf eru flokkuð sem innlend eða erlend en ekki myntinni sem verðbréfið er gefið út í……

Svipað gildir um erlend lán. Í samræmi við notkun hugtaka í þessu frumvarpi er um að ræða erlent lán þegar innlendur aðili fær lán hjá erlendum aðila. Mynt lánsins ræður hér engu um.

Í þeim tilvikum, þegar innlendur aðili tekur lán hjá erlendum aðila og endurlánar lánsféð öðrum innlendum aðila, telst fyrra lánið erlent lán en hið síðara innlent.

 

Lesa má um frumvarpið á vef Alþingis. Gunnlaugur Kristinsson löggiltur endurskoðandi gerir þessum lagarökum nánari skil í þessari grein.

Loks brjóta myntkörfulánin gegn lögum um vexti og verðtryggingu, þar sem skýrt kemur fram að óheimilt er að binda skuldbindingar í íslenskum krónum við gengi erlendra gjaldmiðla. Héraðsdómur hefur staðfest þá túlkun sem frægt er orðið.

Væntir mála gegn bönkunum

Athugasemdir

[Ásgeir Gunnarsson 15.2.2010 kl. 15:53]

eitt en  ,ollu ekki bankarnir hruni smfélags í öllum sínum myndum , svosem atvinnuhruni , siðferðishruni ,fortíðar og frammtíðarhruni   ? af hverju ekki sérstök lög á þvílíka brjálaða gjörninga ? hriðjuverkalög ?

[Theódór Norðkvist 15.2.2010 kl. 19:15]

Það þarf að rannsaka bankana og allar svikamyllur þeirra ofan í kjölinn. Á meðan réttaróvissa ríkir með gengistryggðu lánin á að fresta öllum nauðungaruppboðum.

Við eigum ekki að láta það líðast að stjórnvöld og fjárplógsmenn á þeirra vegum ætli sér að reisa fjármálalífið við með blóðmjólkun á vaxtapíndum heimilum.