Einbeittur brotavilji?

Ég skil ekki ákafa þingmanna ríkisstjórnarinnar við að reyna að svíkja yfir þjóðina enn einn drápsklyfjabaggann vegna upploginnar skuldar Icesave, sem á ekki að greiðast með neinum peningum öðrum en þeim sem hægt er að kreista út úr þrotabúi Landsbankans.

Og það í þriðja sinn eftir að stjórnvöld hafa verið rekin til baka tvívegis með handónýta samninga. Í seinna skiptið var það forsetinn og þjóðin sem sáu um rassskellinguna. Ég fæ ekki betur séð en að um einbeittan brotavilja sé að ræða hjá ríkisstjórninni að svíkja yfir þjóðina skuldabagga sem öll lög, bæði alþjóðleg og innlend, segja að henni ber ekki að taka á sig.

Landsbankinn var einkabanki og samkvæmt kröfurétti ber þeim sem eiga inni ógreidda reikninga hjá einkafyrirtækjum í greiðsluþroti að beina kröfum sínum til þrotabúa umræddra fyrirtækja. Ekki til gömlu konunnar í næsta húsi, þó hún kunni að eiga eitthvað smá sparifé.

Segir Icesavevinnu ganga vel

Athugasemdir

[Jón Valur Jensson, 14.1.2011 kl. 10:03]

Góður Theódór!

Kærar þakkir fyrir þetta framlag til baráttunnar gegn Icesave, nú Icesave-III.

Fjármálaráðherrann hyggst leggja 26,1 milljarð króna álögur á þjóðina á þessu ári, fram hjá fjárlögum, allt vegna vegna Icesave (lesið um það HÉR!), og tekur fram um sama leyti, að ríkissjóður hafi ekkert svigrúm til kjarabóta fyrir launamenn með lausa samninga!

Ólögvarin krafa gamalla nýlenduvelda er tekin fram yfir hag alþýðu!

Fylkjum liði gegn þessari Icesave-stjórn í mótmælunum við setningu Alþingis á mánudaginn eftir helgi!