Kúgunarveldin halda áfram efnahagslegum hryðjuverkum...

...eða a.m.k. hótunum um að grípa til þeirra. Við því var að búast eftir höfnun Icesave-nauðungarinnar og þarf ekki að koma á óvart. Þjóðin þarf bara að standa í lappirnar. Lögin eru okkar megin, ég er viss um það.

Ég er alltaf að sannfærast betur og betur um að hryðjuverkalögum var beitt gegn rangri þjóð í bankahruninu.

Hinsvegar er ég sammála breskum og hollenskum yfirvöldum um eitt. Það á aldrei að semja við hryðjuverkahópa og þess vegna áttu stjórnvöld hér á landi aldrei að semja við ríkisstjórnir Breta og Hollendinga.

Við eigum ekki að vera til viðræðu um að bæta þjófnað fjárglæpamanna Landsbankans með því að ræna saklausa borgara í staðinn. Það eru bara hryðjuverkamenn sem fara fram á slíkt.

„Sjáumst í réttarsalnum“

Athugasemdir

[corvus corax, 12.4.2011 kl. 07:31]

Næsta mál er að taka Björgólf Thor, hann stal þessum peningum með dyggri hjálp Sigurjóns digra og Halldórs heimska.

[Theódór Norðkvist, 12.4.2011 kl. 14:35]

Hefur peningaslóðin verið rakin almennilega? Hvað sem því líður er það salt í sárin að menn eins og Björgólfur Thor séu virkir þátttakendur í atvinnulífinu og lifi í vellystingum meðan þjóðin er í rústabjörgun eftir skaðann sem þeir ollu.

[Elle_, 21.4.2011 kl. 21:18]

Kúgunarveldin er orðið yfir þau veldi, Theódór.  Sjálf kalla ég alltaf hin svokallaða ´samning´ kúgunarsamninginn nú orðið.  Það eru aum stjórnvöld sem fara langt úr veginum til að fá nú að ´semja´ um kúgun gegn sinni þjóð og eru þar með jafn miklir kúgarar.   Núna gera þau sig að enn meiri fíflum og halda í stólana sem fastast löngu eftir að þau ættu að vera horfin sjónum okkar.  Og gera ekkert þó forsetinn okkar sé rakkaður niður enda meðsek í rógburðinum.