Er ekki alveg að skilja þessa frétt

Ég er búinn að panta bíómyndir og tónlistardiska nokkrum sinnum á Amazon. Ég hef alltaf verið rukkaður um virðisaukaskatt. Þá er ég að tala um áþreifanlega DVD- og geisladiska, ekki til niðurhals.

Ef átt er við efni til niðurhals, þá er það vissulega nýtt ef verið er að sjá til að menn greiði virðisaukaskatt af þannig sölu, en þá hefði það átt að koma fram í fréttinni með skýrum hætti.

Skil reyndar ekki hvernig stjórnvöld ætla að tryggja að umræddum lögum verði fylgt eftir. Ætla þeir að hlera hverja einustu rafræna gátt inn í hverja einustu tölvu á landinu? Það gæti orðið erfitt. Kannski hefur Steingrímur J. Sigfússon látið frægan draum sinn um netlögregluna rætast?

Viðbót: Rafrænar bækur hafa ekki verið VSK-skyldar fyrr, það er a.m.k. nýtt.

Rafrænar vörur hækka í verði

Athugasemdir

[Sæmundur Bjarnason, 5.1.2012 kl. 12:42]

 "Hinsvegar vekur athygli að forritaframleiðendur á borð við Adobe og Microsoft hafa ekki skráð sig né heldur iTunes verslun Apple samsteypunnar."

7% eða 25% ofan á það sem ekkert er getur varla verið mjög hátt!!

[Theódór Norðkvist, 5.1.2012 kl. 16:50]

Sæll Sæmundur, nei það er rétt, lög til niðurhals eru frekar ódýr, yfirleitt innan við eitt pund lagið. Reyndar panta ég mér oft diska af Amazon, því það er hagstæðara en MP3 skrár til niðurhals, jafnvel þó innan við helmingur laganna sé áhugaverður.