2007 framboð?

11.6.2012 | 21:55

Ólafur Ragnar sagði í upphafi sinnar kosningarbaráttu að honum fyndist framboð Þóru vera pínulítið 2007. Mér fannst það ekki sanngjörn ummæli, en eftir að hafa séð þetta myndband, er ég ekki viss.

Það sem einkenndi þjóðfélagið árin fyrir hrun, voru fallegar umbúðir en rýrt innihald. Útrásarvíkingarnir voru í fínum jakkafötum, vel greiddir og voru með slagorðin á hreinu. En það var ekkert á bak við þennan bóluárangur þeirra. Keisarinn var ekki í neinum fötum.

Þetta áróðursmyndband ungra stuðningsmanna Þóru er einmitt eins og umgjörð hrunverjanna á sínum tíma. Fallegar umbúðir - fallegt ungt fólk - flott slagorð eins og sameinumst, hugsum á framtíðina og annað í þessum dúr.

Þegar kemur að innihaldinu skila hinir ungu stuðningsmenn Þóru auðu. Ekkert kemur fram hvernig Þóra eigi að sameina fólk, eða rökstuðningur fyrir því hvernig hún er frekar fulltrúi framtíðarinnar en aðrir frambjóðendur.

Hafði Ólafur kannski rétt fyrir sér að framboð Þóru væri 2007? Forsetinn hefur að vísu sjálfur verið sakaður um náin tengsl við útrásarvíkinga 2007 hugsunarháttsins. Hann gæti því mögulega verið að kasta steinum úr glerhúsi, en það segir okkur líka að hann þekki fingraför 2007 stílsins betur en margir aðrir.

	Lokað á stuðningsmyndband Þóru
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Breytt 12.6.2012 kl. 13:38 | Facebook

Athugasemdir

Eða hvort hún sé fylgjandi ESB umsókn eður ei !

M;yndbandið á bara að sýnast flott... ekkert í því sem heillar.

Birgir Örn Guðjónsson, 12.6.2012 kl. 06:34

Nákvæmlega, það er bara auglýsingaskrum.

Theódór Norðkvist, 12.6.2012 kl. 13:37

Tek eftir því að þarna eru allir frægir og flottir sem koma fram, flestir þeirra hafa komið fram í sjónvarpi allra landsmanna, ef til vill tilviljun?

Ásthildur Cesil Þórðardóttir, 12.6.2012 kl. 14:20

Já Ásthildur, maður fannst maður kannast við mörg andlitin. Þau reyna að tjalda öllu til sem þau hafa.

Theódór Norðkvist, 12.6.2012 kl. 19:37

Já einmitt ef til vill var forseti vor ekki svo langt frá sannleikanum þegar hann talaði um að framboð Þóru væri svona 2007 framboð.

Ásthildur Cesil Þórðardóttir, 12.6.2012 kl. 20:50

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Theódór Norðkvist

Höfundur

Theódór Norðkvist

Vettvangur fyrir það sem mér liggur á hjarta.

Nýjustu færslur

Nýjustu myndböndin

Tenglar

Hjálparstarf

Ferðalög

Samferða - vefsíða fyrir fólk sem vill vera samferða Fyrir þá sem vilja sameinast í bíla og lækka eldsneytiskostnað
Göngum um Ísland Fróðleikur um gönguferðir. Gagnvirkt Íslandskort
Ferðafélagið Útivist Félagsskapur sem býður upp á gönguferðir um áhugaverða staði

Líkamsrækt

Tenglar um líkamsrækt

Hlaup.is

Mannréttindabaráttan

Félagið Ísland-Palestína Félag sem berst fyrir réttindum Palestínumanna
Amnesty International á Íslandi Íslandsdeild mannréttindasamtakanna Amnesty International