Seðlar stjórna í boltanum

Þetta virðist alltaf gerast þegar Skaginn nálgast stórveldin, þó ÍA sé stórverldi frá fornri tíð. Þeir missa bæði aðkeypta leikmenn og þá efnilegu ungu stráka sem félagið hefur lagt mikla fjármuni og vinnu í að gera að góðum leikmönnum. Tryggð ungra knattspyrnumanna við sitt eigið heimalið er að deyja út eins og risaeðlurnar og aðrar óvættir úr grárri forneskju. Ég tek fram að ég er ekki mjög trúaður á risaeðlur, en datt ekkert betra í hug til að líkja þessu tvennu saman.

Ég lýsi því yfir að sigur í Pepsi-deildinni (enn eitt merkið um að Mammon er að gleypa og hefur nánast gleypt þessa áður göfugu íþrótt) er ekki marktækur, þar sem þetta er bara spurning hver getur ausið úr stærstu sjóðunum og hefur velvild stórfyrirtækjanna.* Sem flest eru reyndar ævintýralega skuldsett og lifa á meðgjöf frá ríkinu/bönkunum, en það er önnur saga.

*Með fyrirvara um að fjársterku félögin, Kr FH eða Valur vinni deildina.

Doninger einnig á förum frá ÍA

Athugasemdir

[ThoR-E, 19.7.2012 kl. 11:59]

Það var slæmt að missa Gary. En leikmannaglugginn er opinn og eins og þjálfarinn sagði. ÍA mun styrkja liðið eftir að Donninger og Martin eru farnir.

En það er svo sannarlega rétt. Það er pirrandi þegar stóru liðin eru að kaupa bestu leikmennina hjá minni liðum á landsbyggðinni. Bjóða þeim hærri laun en litlu liðin geta boðið osfrv.

En ÍA er meira en þessir tveir bretar og ef við styrkjum eitthvað í glugganum að þá verður seinni umferðin ekki síðri en sú fyrri. Ég spái Skaganum 5. sæti deildarinnar í haust.

[Theódór Norðkvist, 19.7.2012 kl. 15:01]

Vonandi tekst að fá góða menn í staðinn. Ég er hlynntur því að byggja á heimamönnum sem vilja spila, þó það kosti sæti í efri hluta deildarinnar. Svo lengi sem þeir falla ekki. Skaginn er með fínan mannskap svona heilt yfir.