AUGLÝSING: Engar auglýsingar á þessari bloggsíðu

Ég lét verða af því og keypti mig undan auglýsingu NOVA-símafyrirtækisins. Fyrir nokkrum mánuðum ákváðu forráðamenn blog.is að demba auglýsingu á notendur kerfisins og uppskáru hávær mótmæli í bloggheimi.

Bloggurum fannst sér vera misboðið og það væri verið að nota sig eins og mellur til að auglýsa símafyrirtæki (má kannski segja að bloggarar hafi verið neyddir í símavændi?)

Ég hef sem sagt keypt aðgang að blog.is í hálft ár og hér verða engir leiðinda auglýsingaborðar blikkandi framan í andlitið á lesendum næstu sex mánuðina í það minnsta.

Ástæðan er sú að mér finnst bloggkerfið hér mjög gott og þessum tæplega tvö þúsund krónum vel varið.

Góðar stundir. 

Athugasemdir

[Johnny Rebel 17.5.2008 kl. 04:27]

Þetta eru ekkert annað en kúganir gagnvart bloggurum og peningaplokk út í eitt.

Mikið voðalega hlýtur Mogginn að vera illa fjárhagslega staddur. 

[Aron Björn Kristinsson, 18.5.2008 kl. 19:18]

Það ætti einfaldlega bara að vera frítt hak til að taka af leiðindar auglsýsingar af síðunni sinni.

[Linda, 18.5.2008 kl. 20:45]

Hæ Teddi, ég er alveg hætt að sjá þessa auglýsingu, en, þetta er svo sannarlega góð lausn ef slíkt pirrar fólk. 

knús og kv

[Theódór Norðkvist, 18.5.2008 kl. 22:22]

Moggamafían teygir anga sína víða. Aron, ég er sammála þér, fólk ætti að ráða hvað er á sinni síðu miðað við skilmála blog.is um að hver bloggari sé ábyrgur fyrir því sem á síðu hans birtist.

Ég lít bara þannig á að ég þyrfti að borga ef ég bloggaði annars staðar (oftast, sumir bjóða þetta frítt, að ég held.) Moggabloggið er vel upp sett og þægilegt í notkun svo ég tók þessa ákvörðun, frekar en að borga öðrum og fá þar að auki minni lestur.

Bestu kveðjur til þín líka, Linda.

[Rósa Aðalsteinsdóttir, 18.5.2008 kl. 22:47]

Sæll og blessaður.

Þetta pirrar mig oft og þá slekk ég á þessu en kveiki á þessu ef ég nenni að hlusta á einhver bönd sem sumir bloggarar eru duglegir að setja inn.

Ef þú hefðir ekki sett inn tengilinn you know, þá væri ég ekki búin að sóða út síðu einhvers  þingmanns.

Við verðum að hafa gaman af þessu, að gera at þó við séum orðin fullorðin.

Kær kveðja/Rósa.

[Theódór Norðkvist, 18.5.2008 kl. 23:00]

Nákvæmlega Rósa, bestu kveðjur.