Hvað á nýi hverinn að heita? Hugmyndasamkeppni.

Ég er nýkominn af skjálftavaktinni á Hveragerði og tók þessa mynd af nýja hvernum í gær.

 

 

 

 

 

 

 Verðum við ekki að gefa svona sögulegu fyrirbæri af náttúrunnar hendi nafn?

Þið getið tekið þátt í könnun hér vinstra megin á síðunni, þar sem gefnir eru nokkrir möguleikar á nöfnum, sem mér dettur í hug í fljótu bragði:

1. Hvergerðingur. Hann er í Hveragerðisbæ og einn af allra yngstu íbúunum. Ég hef ekki kynnt mér hvort einhver (alvöru) skjálftabörn hafi komið í heiminn síðan á fimmtudaginn.
2. Leirburður. Algengasta merking orðsins er illa ort kvæði. Hverinn er leirhver, spýtir leir og drullu upp úr sér. Burður getur merkt fæðingu eða meðgöngu, samanber frumburður og barnsburður. Er þessi nafngift kannski leirburður?
3. Skjálftahver.
4. Suðurlandshrellir.  Jarðskjálftinn hefur hrellt marga Suðurlandsbúa og hverinn varð til af völdum skjálftans
5. Eitthvað annað nafn. Endilega leggið höfuðið í bleyti (ekki samt í hvernum) og finnið eitthvað enn betra.

 

Athugasemdir

[Kjartan Pétur Sigurðsson, 1.6.2008 kl. 12:43]

Mér lýst vel á þessa hugmynd hjá þér, best væri að útbúa göngukort og gefa öllum hverunum nafn við hæfi í þeim anda sem að þú leggur til :)

[Linda, 1.6.2008 kl. 14:24]

hmmmm, hvað ætti nýi hverinn eða heita?, er ekki tilvalið að nota goðanöfn á slík fyrirbærir, mér lýst vel á "Sleipnir" hestur sem lét í sér finna og var skapaður náttúrinni og hennar krafti, er það það ekki sem ásatrúin gengur út á.  Kraftur og náttúra já,nýjasti hverinn á að heita "Sleipnir"  og tengir Þjóðsögu landsins við náttúrufyrirbæri.

knús.

[Bryndís Böðvarsdóttir, 1.6.2008 kl. 14:25]

Suðurlandshrellir.

[Linda, 1.6.2008 kl. 16:39]

varð að skrifa til að vakta hvað kæmi inn :) Suðurlandshrellir er lika góður, en ég er ennþá sátt við Sleipnir....

knús

[Theódór Norðkvist, 1.6.2008 kl. 16:43]

Sammála Kjartan, endilega taktu þetta upp hjá þínum samstarfsaðilum. Linda, Sleipnir er mjög gott og þjóðlegt nafn. Bryndís hverinn hefur hrellt suma, reyndar heillað líka. Kannski best að finna skemmtilegra nafn, eigi hann að laða að ferðamenn. Allt fyrir túrismann!

Bestu kveðjur,

T.N.

[Rósa Aðalsteinsdóttir, 2.6.2008 kl. 08:42]

Sæll Teddi minn.

Skemmtilegar pælingar. Líst best á Suðurlandshrellir.

Guð gefi þér góðan dag í Jesú nafni.

Kær kveðja/Rósa

[Theódór Norðkvist, 2.6.2008 kl. 09:55]

Takk sömuleiðis, Rósa. Bestu kveðjur,

T.N.

[Linda, 2.6.2008 kl. 13:23]

hæhó, svo er það líka að vera með nafn sem útlendingar geti nú sagt án þess að fara hjá sér og síg í gíg muahahahaha

[Theódór Norðkvist, 3.6.2008 kl. 11:59]

Rétt Linda, þetta verður að vera nafn sem stendur ekki í blessuðum ferðamönnunum!

Ekki vitlaus hugmynd, Andrés. Þessi hver er líka alveg sér(stakur.) Hver er næstur sjálfum sér!

[Einar Indriðason, 10.6.2008 kl. 19:14]

Kross-hver.  Þessi hver kom til í skjálfta sem varð á hálfgerðum kross-sprungum.

[Beturvitringur, 11.6.2008 kl. 08:42]

Sé það þessi sem gubbar upp leirnum: "Subba"

[Theódór Norðkvist, 11.6.2008 kl. 15:21]

Subba og Kross-hver fara í nafnabankann. Þakka ykkur fyrir.

[Linda, 12.6.2008 kl. 10:42]

Kross-hver, subba og Sleipnir, í uppáhaldi hjá mér.

knús