Ekki rétta leiðin

Það er ekki rétta leiðin til að mótmæla fjársvikum Jóns Ásgeirs Jóhannessonar og annarra hans líka að taka lögin í sínar eigin hendur og ráðast á þá. Þeir sem það gera eru að sökkva niður á sama plan og útrásarliðið.

Ef hinsvegar stjórnvöld fara ekki að hysja upp um sig brækurnar og koma fjársvikurunum í hendur réttvísinnar er hætt við að lögregla götunnar taki völdin.

Veist að Jóni Ásgeiri í miðbænum

Athugasemdir

[Theódór Norðkvist, 18.12.2008 kl. 10:00]

Það er ekki gott að segja hverju það hefur skilað. Ýmislegt hefur gerst sem kannski hefði ekki gerst án mótmæla fólksins. Bogi Nilsson sagði af sér sem sérstakur saksóknari og einhver annar, man ekki nafnið. Rétt í þessu voru að berast fréttir af því að Tryggvi Jónsson hefði sagt af sér. Sljóir ráðamenn drulluðust allavega til að mæta á borgarafund.

Auðvitað er erfitt að segja hvað af þessu hefði gerst án mótmæla og hvaða þátt ófriðsömu mótmælin eiga í þessu, það verður hver fyrir sig að meta.

Ég vil ekki að það ástand skapist að annar hver ræfill fer að taka lögin í sínar hendur, en það er óhjákvæmilegt ef yfirvöld fara ekki að gera eitthvað.