Hættur að blogga á þessum vettvangi

 Vegna síendurtekinna óheilbrigðra afskipta ritstjórnar blog.is af bloggsíðum, lokun fyrir fréttatengingar af litlu tilefni, handahófskenndra lokana ákveðinna bloggsíðna og fyrirvaralausrar auglýsingar á allar bloggsíður á sínum tíma hef ég ákveðið að yfirgefa þennan vettvang. Ég er búinn að stofna nýja bloggsíðu á Wordpress. 

Mér finnst nauðsynlegt að geta ráðið mínu efni sjálfur og það er óþægileg tilfinning að vita að stóri bróðir er stöðugt að kíkja yfir öxlina á manni.

Ég mun halda bloggsíðunni á blog.is opinni áfram, aðallega til að geta sent inn athugasemdir og til að athugasemdir sem ég hef sett inn á bloggsíðum hér hverfi ekki.

Ég vil þakka öllum bloggurum á blog.is, sem hafa kíkt við á minni síðu eða ég á þeirra, ánægjuleg samskipti.

Ég mun halda áfram að setja inn athugasemdir hjá mínum bloggvinum og öðrum, liggi mér eitthvað á hjarta. Ég mun aðeins nota theodorn.blog.is til þess ef ekki er boðið upp á aðra möguleika.

Athugasemdir

[Sigurður Þór Guðjónsson, 13.1.2009 kl. 17:17]

Þú ert að gera rétt! En það er sjónarsviptir af þér!

[Theódór Norðkvist, 13.1.2009 kl. 17:23]

Takk fyrir það Sigurður. Ég verð þó alltaf kíkjandi við, set inn athugasemdir (á nýja blogginu) og þitt blogg er eitt af þeim sem ég les reglulega.

[Úlfar Þór Birgisson Aspar, 13.1.2009 kl. 20:56]

Ég virði ákvörðun þína Teddi,en sjálfsagt er missir af þér hér.Ég mun kýkja við á nýja blogginu þegar hentar,bara hef ekki mikinn tíma aflögu á þvælingi milli blogga.Ég fer minn bloggvina rúnt hérna á mbl og læt það oftast duga.

Gangi þér allt í haginn.

[Theódór Norðkvist, 14.1.2009 kl. 08:58]

Takk fyrir Úlli. Rétt, maður verður að velja og hafna. Ég nota mikið blogg.gattin.is, en þar koma öll blogg þeirra sem hafa skráð sig þar inn og sent RSS-slóðina, ekki bara moggabloggin. Ég mun áfram kíkja við hjá þér, alltaf gaman að kíkja við hjá gömlum félögum að vestan!

[Rósa Aðalsteinsdóttir, 18.1.2009 kl. 20:15]

Sæll Teddi minn

Ég skil þetta mjög vel. Ég er hissa yfir sumum ákvörðunum hjá mbl.is á meðan þeir setja ekki út á svívirðileg orð um kristna trú, um Jesú Krist og um Guð almáttugan. Það hefði verið gaman að sjá þig í gær á A.Hansen.

Guð veri með þér kæri trúbróðir

Kær kveðja/Rósa

[Theódór Norðkvist, 19.1.2009 kl. 09:39]

Sæl Rósa takk fyrir innlit. Ég á erfitt með að komast í bæinn vegna bílleysis, en verð í bænum um næstu helgi.