Er þetta frétt?

Eru ekki alltaf mistök að gefa Jóhönnu orðið?

Alvarleg mistök að gefa Jóhönnu orðið

Andrea mun ekki verða leppur ríkisstjórnarinnar

Þess vegna er hún álitlegur kostur í forsetaembættið. Þóra er hinsvegar inngróin í Samfylkinguna og framboð hennar er í raun skilgetið (eða óskilgetið) afkvæmi þeirra leiðinda samtaka.

Að mínu mati stendur valið á milli Ólafs Ragnars og Andreu.

Andrea opnar heimasíðu

FH-ingar farþegar

Kópavogsliðið hinsvegar gríðarsterkt. Lið sem slær Hauka út 3-0 er ekki að fá sæti í úrslitunum í Cocoa Puffs pakka, það er klárt. FH verður að hysja upp um sig buxurnar, annars fara þeir sömu leið og keppinautarnir á Ásvöllum.

Einar Andri: Þeir voru bara grimmari

Ræða Agnesar - af eldra tilefni

Óska Agnesi til hamingju, hún verður án efa farsæll biskup. Í tilefni dagsins hef ég sett á YouTube myndband af ræðu hennar fyrir hönd tíu ára stúdenta þegar ég var að útskrifast - frá Menntaskóla Ísafjarðar, tekið í Alþýðuhúsinu eina og sanna á Ísafirði.

 

 

 

Agnes næsti biskup Íslands

Stórfellt gáleysi sem er ekki refsivert

Er það mjög stórfellt? Spyr sá sem ekki veit.

Ég er á því að það hafi fjarað verulega undan trúverðugleika þessa Landsdóms, eftir að Samfylkingin kom sínum mönnum undan réttvísinni og Sjálfstæðisflokkurinn öðrum af sínum ákærðu í málinu.

Viðbrögð Geirs komu mér ekki mikið á óvart, hann er eins og aðrir stjórnmálamenn í árunum fram að hruni (og síðar), alveg viss um að hann gerði ekki neitt rangt, þrátt fyrir að allt hafi hrunið sem gat hrunið. Skil ekki alveg hvernig það kemur heim og saman að enginn gerði mistök en samt fór flest úrskeiðis sem gat farið úrskeiðis.

En nú vitum við að stjórnmálamenn eru alltaf fórnarlömb aðstæðna, alveg sama hvað það hrynur mikið í kringum þá. Það er alltaf allt einhverju(m) öðru(m) um að kenna en þeim sjálfum.

Sakfelldur fyrir eitt ákæruatriði

Viðbrögð ESB stjórnast af ótta

Tek undir með Advice mönnum, framkvæmdastjórnin lýsir yfir andstöðu við málstað Íslands í Icesave málinu. Hinsvegar sýnist mér að skýringin á þessari dæmalausu ákvörðun framkvæmdastjórnar ESB (sem takið eftir, enginn hefur kosið í lýðræðislegum kosningum, þetta eru allt möppudýr innan úr kerfinu) komi mun betur fram í þessari frétt á Visir.is.

Þarna kemur skýrt fram að forkólfar ESB eru logandi hræddir! Þeir eru logandi hræddir að blekkingarvefur sá sem fjármálakerfi þeirra byggir á verði afhjúpaður. Einmitt af þeirri ástæðu hefur Ísland sterk spil á hendi í baráttunni. Málið snýst um hvort er mikilvægara, réttindi (skatt)borgaranna eða hagsmunir peningaaflanna, hinna fáu.

Augljóst er að skrifræðiskerfið í ESB stillir sér upp gegn almenningi, ekki bara á Íslandi heldur öllum Vesturlöndum.

Ákvörðun framkvæmdastjórnarinnar getur ekki þýtt neitt annað en algjöran trúnaðarbrest milli ESB og Íslands. Hvernig getur nokkur maður fengið það af sér að óska eftir inngöngu Íslands í ríkjabandalag sem hefur lýst yfir stríði gegn landinu og hagsmunum þess?

Fyrir utan hvað það er mikill aumingjaskapur hjá 500 milljón manna ríkjabandalagi að ráðast gegn lítilli og því miður einangraðri þjóð í þessu máli. Reyna að þvinga hana niður á hnén með valdníðslu og fjárkúgun.

Styðja eindregið sjónarmið ESA

Flott píanó

Sem áhugamaður um píanó verð ég að segja það. Hef ekkert að segja um fréttina að öðru leyti, þannig að þetta er mjög óviðeigandi tenging við frétt. Vonandi tilkynnir mig enginn.

50-100 skilaboð á dag

Gerist á mjög slæmum stað

Hestfjörður og raunar allt Ísafjarðardjúp er vanmetin náttúruperla. Kyrrðin, lognið og fjallasýnin inni í firðinum er engu lík og þarna er vinsælt berjaland. Þrátt fyrir að mengunarslys sé alltaf slæmt hvar sem það á sér stað, er það mikið áfall að það skuli gerast í Hestfirðinum.

Mikill viðbúnaður í Hestfirði

Hver átti frumkvæðið að viðræðunum?

Ef Hreyfingin boðar að allt skuli vera uppi á borðum í íslenskri stjórnsýslu, má hún gjarnan byrja á sjálfri sér. Því hefur aldrei verið svarað af hálfu flokksins hver átti frumkvæðið að viðræðum flokksins við ríkisstjórnina í lok ársins sem var að líða.

Mig rekur minni til að annaðhvort Jóhanna eða Steingrímur hafi sagt að þingmenn Hreyfingarinnar hafi komið að fyrra bragði til þeirra og beðið um viðræður um hugsanlegan stuðning þremenninganna við stjórnina, sem eflaust hafa viljað fá eitthvað í staðinn.

Nú ef Hreyfingin þrætir fyrir það, er ljóst að annað hvort eru þau að ljúga eða skötuhjúin í stjórnarráðinu.

Því spyr ég enn og aftur:

Hver átti frumkvæðið að viðræðunum sem fóru fram rétt fyrir áramótin milli ríkisstjórnarinnar og Hreyfingarinnar?

Ef Þór, Margrét, Birgitta eða einhver innanbúðarmaður hjá Hreyfingunni er að lesa þetta, þá er núna tækifærið fyrir hann eða hana að upplýsa málið og sýna opna stjórnsýslu í verki.

„Hugarburður og dylgjur“

Frábær leikmaður, en...

...er ekki viss hvort þetta sé réttasta niðurstaðan. Þegar íþróttamaður ársins er valinn verður að horfa á hvað þeir sem til greina koma hafa afrekað. Alþjóðlegir titlar eru besta vísbendingin og ef um er að ræða hópíþróttir verður að horfa á hvað íþróttamaðurinn átti mikinn þátt í þeim verðlaunum sem liðið vinnur. Þannig fannst mér t.d. ekki koma til greina að velja Eið Smára á sínum tíma fyrir að hafa unnið meistaradeildina með Barcelona, þar sem hann var á bekknum allt tímabilið.

Mér fannst Aron helst eiga titilinn vísan, en einnig kom Sara Björk úr knattspyrnunni sterklega til greina. Hún vann sænsku deildina með Malmö og skoraði talsvert af mörkum, þó veit ég ekki hvar sænska deildin stendur í alþjóðlegum samanburði. Síðan hefur kvennalandsliðið okkar náð frábærum árangri og því fannst mér einhver kona úr knattspyrnunni vel eiga skilið að vera valin íþróttamaður síðasta árs. Það sama verður langt frá því sagt um karlalandsliðið sem hefur verið í frjálsu falli á heimslista FIFA í mörg ár.

Þýska úrvalsdeildin í handknattleik er almennt talin sú sterkasta í heiminum og Kiel, sem Aron spilar með, er þar yfirburðalið. Að vísu er hann ekki lykilmaður í liðinu, enda ekki nema rétt um tvítugt, en hefur verið að skora heilmikið. Þrátt fyrir ungan aldur er hann mikilvægur hlekkur í landsliðinu, sem náði 6. sæti á síðasta HM. Ég er því hissa að sjá Aron ekki ofar en í 7. sæti á listanum.

Engu að síður óska ég Heiðari Helgasyni til hamingju og er hann vel að titlinum kominn eins og eflaust allir sem komu til greina í þessu vali. Þrátt fyrir að deildin sem hann vann með QPR sé ekki úrvalsdeildin í Englandi, er hún almennt talin meðal þeirra sterkustu og jafnvel sterkari en úrvalsdeildin í sumum öðrum löndum. Síðan hefur Heiðar verið að skora mikið í líklega sterkustu deild heims, ensku úrvalsdeildinni.

Heiðar íþróttamaður ársins