Austurríki meira áhyggjuefni

Ekki má vanmeta Brassana frekar en önnur lið á mótinu, þeir virðast kunna ýmislegt fyrir sér, en mér sýnist meiri ástæða til að hafa áhyggjur af leiknum gegn Austurríki.

Af þessum leik að dæma eru þeir gríðarlega snöggir og búa yfir mikilli tækni. Hreyfingarnar hjá austurrísku leikmönnunum eru hraðar og virðast úthugsaðar. Leikurinn gegn þeim verður barningur.

Hvers má vænta af Brasilíu (myndb.)

Athugasemdir

[Björn Birgisson, 15.1.2011 kl. 17:44]

Eftir gleði gærdagsins yrði til dæmis jafntefli við Brassa gífurleg vonbrigði. Tap ylli þjóðarsorg. En það verður bara gaman í kvöld!

Sá Ungverja leggja Noreg í dag. Slagurinn um toppinn í þessum riðli ætti að vera á milli okkar manna og Austurríkis.

[Theódór Norðkvist, 15.1.2011 kl. 18:28]

Sæll Björn. Hef ekki Stöð2 Sport og mun ekki styrkja þá kóna, en aldrei að vita nema maður kíki á leikinn á einhverri knæpunni. Eða á netinu verði ég heimakær. Góða skemmtun!

Sigur Ungverja á Norðmönnum galopnar riðilinn. Ef Brasilía og Japan taka engin stig (nema sín á milli) verðum við a.m.k. með 6 stig fyrir Noregsleikinn og Norðmenn a.m.k. 4. Ef þeir vinna Austurríki verða þeir líka með 6 stig.

Svo gæti farið að öll Evrópuliðin í riðlinum verði með 6 stig fyrir lokaumferðina, ef Noregur vinnur Austurríki. En okkar menn eiga að geta unnið Austurríki, vonum það.

[Theódór Norðkvist, 15.1.2011 kl. 18:31]

Já, vil bæta við að jafnvel þó Austurríkisleikurinn vinnist ekki gætu Norðmenn og Ungverjar hirt stig af þeim.

[Theódór Norðkvist, 15.1.2011 kl. 18:35]

Spurning hvort ég þurfi að éta eitthvað ofan í mig, Japan-Austurríki 18:11 í hálfleik. Nei, ég er ekki að snúa þessu við.