Hvers vegna eru dýrin ekki aflífuð?

Frjálslyndi Svía gagnvart mannslífum ríður ekki við einteyming. Auðvitað á að lóga svona villidýrum og enginn á að fara inn í búrin óvopnaður.

Kona drepin af úlfum í Svíþjóð

Athugasemdir

[kos, 18.6.2012 kl. 19:13]

Það á ekki að aflífa villt dýr sem geta verið hættuleg við rangar aðstæður. Við vorum þarna í gær þegar þetta gerðist (ég, konan og stelpan okkar) en sáum þetta sem betur fer ekki. Skv. sænskum miðlum hafa úlfarnir verið mjög órólegir í langan tíma, væntanlega vegna einhvers ástands sem hefði þurft að lagfæra, þar að leiðandi hafa þeir verið hættulegir.

Þetta er í fyrsta skipti síðan árið 1881 sem úlfar drepa manneskju á norðurlöndunum.

Það að drepa villt dýr þegar þau drepa finnst mér rosalega kjánaleg skoðun. Einnig finnst mér kjánalegt að hún hafi farið óvarin inn í búrið.

Málið er að þar sem úlfarnir eru í þessum garði er smá herferð gegn þeirri skoðun fólks að úlfar séu hættulegir (kaldhæðnislegt, ég veit). Ég las þetta í gær. Málið er það að úlfar eru með það orð á sér að vera hættulegir þegar þeir yfirleitt hræðast fólk þegar það nálgast þá. Aftur á móti hefur eitthvað verið að angra þessa úlfa og þess vegna hafa þeir orðið hættulegir (flest dýr, þar á meðal við, bregðumst þannig við þegar eitthvað angrar okkur og við getum ekki lagfært það - t.d. því við erum lokuð inni á litlu svæði..).

[Theódór Norðkvist, 18.6.2012 kl. 21:24]

Af virðingu við þá látnu á að drepa úlfana. Fyrir utan að ef úlfar rífa fólk í sig, er það ekki skilaboð um að þeir eru hættulegir? Væri heimska að álykta annað. Fyrir utan að þeir eru hættulegir starfsfólki, er alltaf sú hætta að þeir sleppi út.