Loksins finnur kappinn netmöskvana!

Það hlýtur að vera þungu fargi létt af þessum besta leikmanni okkar í dag og kannski frá upphafi íslenskrar knattspyrnu, að hann hafi náð að setja knöttinn í netið að nýju með liði sínu.

Það var alltaf ljóst, eftir að Eiður Smári Gudjohnsen gekk til liðs við stórliðið Barcelona, að allt að því ómögulegt yrði fyrir hann að ávinna sér sæti í liðinu, enda líklega ekkert lið í heiminum sem hefur á að skipa jafnsterkum hóp og katalónski risinn. Hann hefur samt ekki látið bugast og minnir nú á sig.

Eiður skoraði í 3:0-sigri Barcelona

Athugasemdir

[Eva Sigurðardóttir 16.12.2007 kl. 13:11]

AMEN!

[Rósa Aðalsteinsdóttir 16.12.2007 kl. 16:13]

Sæll og blessaður.

Það hefur loksins verið almennileg reisn hjá Eiði Smára fyrst hann loksins hitti markið.

Kær kveðja/Rósa

[Rósa Aðalsteinsdóttir 16.12.2007 kl. 16:20]

Sæll aftur.

Margur hefur miðað á

markið samt oft geigað hjá

en þegar Eiður Smári skaut á ská

skotið hitti og markmaðurinn lá.

Kær kveðja/Rósa

[Theódór Norðkvist, 18.12.2007 kl. 07:04]

Þetta er flott vísa hjá þér, Rósa. Samdirðu hana sjálf, ef ég má spyrja?

[Rósa Aðalsteinsdóttir 18.12.2007 kl. 20:26]

Hæ. Nei það gerði ég ekki. Þegar ég var á Eiðum skiptumst við nemendurnir á minningbókum og þessi vísa var skrifuð í bókina mína. Þá var nafn stráks sett þar sem ég skrifa Eiður og stúlkunafn þar sem ég skrifaði markmaðurinn  

Þegar Gunnar á Hlíðarenda skaut á ská

skotið hitti og Hallgerður langbrók lá

Kær kveðja/Rósa