Hjúkrunarfræðingar hrinda árás heilbrigðisráðherra á launakjör sín

Sem betur fer tókst hjúkrunarfræðingum að hrinda árás frjálshyggjuhauksins Guðlaugs Þórs Þórðarssonar á launakjör sín, en hann ætlaði að þvinga stéttina í vaktafyrirkomulag með ofbeldi og í raun lækka laun þeirra, þar sem hjúkrunarfræðingar fá vaktaálag í núverandi kerfi.

Heilbrigðisráðherrann ætlaði að valta yfir hjúkrunarfræðinga, en reiknaði ekki með að þær hefðu svona mikið bein í nefinu. 

Eins og venjulega ræðst frjálshyggjuliðið á garðinn þar sem hann er lægstur og leggur til atlögu við þá stétt opinberra starfsmanna sem er með hvað lægst laun miðað við ábyrgð, hjúkrunar- og umönnunarstéttina. Til hamingju með tímabundinn sigur í kjarabaráttunni, hjúkrunarfræðingar!