Ritskoðunarvaktin - Stefán Friðrik vill ekki láta leiðrétta málfar sitt

Gott kvöld. Fyrir ekki löngu síðan lofaði ég því að á þessari bloggsíðu yrði fylgst með þeim sem ritskoða bloggsíður sínar og nöfn þeirra birt. 

Hinn ágæti megabloggari, Stefán Friðrik Stefánsson, lætur sér fátt mannlegt óviðkomandi og skrifaði nú nýverið færslu um íslenska landsliðið í handbolta.

Færslan byrjaði svona:

Það fór eins og flestum grunaði; íslenska landsliðið náði ekki að tryggja sér farmiða á HM...

Ég setti inn þessa athugasemd:

Það fór eins og flesta grunaði...

Kær kveðja frá málfræðilögreglunni.

Athugasemdin komst í gegnum nálarauga Stefáns. 10 mínútum síðar eða svo var hún hinsvegar horfin.

Þá vitum við það. Ekki má leiðrétta málfar Stefáns Friðriks. Það er ljótt og bannað.

Í tilefni af þessu máli þá skal tekið fram að málfræðilögreglan mun halda áfram störfum og ekki láta stöðva sig við að leiðrétta málfar hér í bloggheimum. Ef einhver truflar hana að störfum verður litið á það sem brot gegn valdstjórninni.

Á einhver piparúða til sölu?

Athugasemdir

[Himmalingur, 16.6.2008 kl. 01:27]

Það er eins gott að segja ekki orð! Nei sorrý, skrifa orð!

[Þórarinn Þ Gíslason 16.6.2008 kl. 01:57]

Maður á alltaf að vera tilbúinn að taka góðum og réttmætum ábendingum,það þroskar.

[Theódór Norðkvist, 16.6.2008 kl. 08:22]

Alveg hárrétt, Þórarinn. Hinum kaldhæðna Stefáni Friðrik fannst ekkert spaugilegt við þessa athugasemd mína og henti henni út í hafsauga. Málfræðivillur hans fá hinsvegar að vera ónáðaðar á síðunni hjá honum. Þetta fer í allt í skýrslu málfræðilögreglunnar.