Nautið og nautabaninn

Spánverjar og Þjóðverjar mætast í úrslitaleik Evrópukepnninnar í knattspyrnu annað kvöld. Spánverjar hafa sýnt leiftrandi knattspyrnu á þessu móti. Þeir unnu sinn riðil með fullu húsi, slógu Ítala út í vítaspyrnukeppni og völtuðu yfir Rússa í undanúrslitum. Þjóðverjar lentu í öðru sæti síns riðils, unnu glæstan sigur á Portúgölum í 8 liða úrslitum og Tyrkjum í undanúrslitum.

Spánverjar eru fyrirfram líklegri til að fara með sigur af hólmi, en þegar Þjóðverjar eru komnir þetta langt er aldrei hægt að afskrifa þá. Joachim Löw, sem tók við þýska landsliðinu 2006, hefur sett skemmtilegan svip á liðið. Fyrirrennari hans, Jurgen Klinsmann, sem lék um skamman tíma við hlið Ásgeirs Sigurvinssonar í Stuttgart, breytti þýska landsliðinu með því að taka upp meiri áherslu á sóknarknattspyrnu.

Joachim Löw hefur haldið áfram sóknaráherslum Klinsmanns og við höfum séð þýska liðið spila meiri sóknarleik en oft áður. Þeir skoruðu ekki mikið í riðlakeppninni, gerðu það sem þurfti, en hafa skorað sex mörk í tveimur leikjum í útslattarkeppninni.

Auk þess að spila leiftrandi sóknarleik eru Spánverjar vel skipulagðir í vörn og á miðjunni. Það verður erfiðara fyrir Þjóðverja að vinna bug á þeim en vængbrotnu liði Tyrkja. Þetta gæti orðið leikur nautabanans (Spánar) gegn nautinu (Þýskalandi) og leikurinn gæti líka þróast á hinn veginn.

Ítalir sigruðu Vestur-Þjóðverja í úrslitum á HM 1982 með þremur mörkum gegn einu. Siðustu 20 mínúturnar eða svo stríddu þeir þreyttum Þjóðverjunum og létu boltann ganga manna á milli með þá þýsku í eltingarleik. Gera Spánverjarnir það sama?

Athugasemdir

[Rósa Aðalsteinsdóttir, 29.6.2008 kl. 01:29]

Sæll Teddi minn.

Ég held að Spánverjar taki þetta en ég er ekki spámannlega vaxin eins og þú

Guðs blessun og kærar kveðjur/Rósa

[Theódór Norðkvist, 29.6.2008 kl. 01:33]

Sæl Rósa, takk fyrir innlitið. Ég segi það með þér. Ef Þjóðverjar vinna verðum við víst að kenna vaxtarlag okkar við annað en spámenn.

[Úlfar Þór Birgisson Aspar, 29.6.2008 kl. 08:22]

Nú er erfitt að spá,ég skal ekki segja nema auðvitað ef Klingsman verður ekki með vinna auðvitað Spánverjar.En sé Jurgen í lagi,þá kunna þýskarar alveg að tækla lið eins og Spán.

Svo ég segi án klingsman vinna spánverjar með klingsman vinna þýskarar.

[Úlfar Þór Birgisson Aspar, 29.6.2008 kl. 13:56]

Sorry elsku Teddi minn nú sló aldeilis hjá mér,þetta á og átti auðvitað að vera með eða án Ballack,ég festist svo í klingsman eftir lesturinn á síðunni þinni.

En ég bara leiðrétti mig hér með og bið forláts á svona bulli.

[Theódór Norðkvist, 29.6.2008 kl. 14:54]

Sæll Úlli, Ballack gæti ráðið úrslitum (og Klinsmann væri hann 15 árum yngri.)

Góður, Hippó. 

[Rósa Aðalsteinsdóttir, 29.6.2008 kl. 21:38]

Sæll og blessaður.

Þú ert greinilega spámannlega vaxinn. Til hamingju með rétta spá.

Kær kveðja og Guðs blessun/Rósa

[Theódór Norðkvist, 29.6.2008 kl. 21:48]

Takk fyrir það, Rósa.

[Theódór Norðkvist, 29.6.2008 kl. 23:41]

PS Að öllu grínu slepptu vil ég nú ekki þakka þetta spámannshæfileikum mínum. Það sást bara á undanförnum leikjum að Spánverjar höfðu algera yfirburði meðal þeirra þjóða sem voru í undanúrslitum. Með sterkari leikmenn í öllum stöðum. Hollendingar hefðu getað stöðvað þá, en þeir brugðust gegn Rússum.