Var þetta slæmi kaflinn?

Sem var reyndar ekki alslæmur, vörnin þokkaleg, íslenska liðið fékk aðeins 22 mörk á sig gegn einu hraðasta og liprasta liðinu í mótinu, þeir sköpuðu sér fullt af færum en tókst bara ekki að nýta þau.

Þetta lítur ekki illa út ef liðið girðir sig í brók og koma tvíefldir eftir þetta mótlæti gegn Dönum. Ef þetta var lélegi leikurinn er útlitið alls ekki slæmt.

Þegar þetta er ritað voru að berast úrslit í leik Dana og Rússa, en þeir fyrrnefndu sigruðu með eins marks mun, sem þýðir að Danir verða sjálfsagt mjög erfiðir viðureignar. Vonum það besta.

Guðmundur: „Of mörg mistök í sóknarleiknum“

Athugasemdir

[Úlfar Þór Birgisson Aspar, 15.8.2008 kl. 07:11]

Ekki skulum við vanmeta Dani,þeir hafa löngum haft gott tak á okkur Íslendingum í þíþróttum og þeir eru jú Evrópumeistarar og eiga eftir að toppa.

Kannski toppuðum við strax í byrjum og eigum erfiðan róður framundan við dani og Egypta.

En ég er nú samt nokkuð bjartsýnn á að annar leikurinn vinnist og komi okkur áfram.

Bestu kveðjur Úlli.

[Rósa Aðalsteinsdóttir, 15.8.2008 kl. 10:08]

Sælir herrar mínir.

Guð gefi ykkur góðan dag.

Danir hafa nú alltaf verið erfiðir andstæðingar. Vonandi var þetta vondi kaflinn okkar gegn Kóreu en einhvern veginn leggst í mig að róðurinn verði erfiður svo ég verð að toga í bænaspottann.

Baráttukveðjur/Rósa

[Theódór Norðkvist, 15.8.2008 kl. 20:06]

Þakka ykkur innlitin. Úlli, þetta er alveg spurning með hvort þeir hafi toppað í keppninni. Samt eiga þetta að vera atvinnumenn með reynslumikinn þjálfara sem hlýtur að gæta þess að nóg sé á tanknum hjá mannskapnum í svona langa keppni.

Rósa togaðu í bænaspottann.