Þetta virðast allir skilja...

...nema frjálshyggjuþingmennirnir á Alþingi. Ég skil ekki í hvaða heimi þeir búa. Langflestar fjölskyldur á landinu hafa orðið fyrir barðinu á áfengisbölinu sem aðstandendur eða fíklar.

Ég óska þess innilega að skynsömum þingmönnum takist að koma í veg fyrir óvitaskap frjálshyggjuliðsins.

Landlæknir: Afnám einkasölu ÁTVR mun auka áfengisneyslu

Athugasemdir

[Ben 19.10.2007 kl. 09:21]

Já einmitt, og Hvalfjarðagöngin voru álitin ein mestu mistök seinni tíma áður en þau voru byggð, fólk sem á í áfengisvandræðum kaupir sitt vín hvort sem það er í matvöruverslun eða í ÁTVR, það er meira að segja hægt að setja matvörubúðunum meiri skorður varðandi söluna en ríkinu...

[Páll Geir Bjarnason 19.10.2007 kl. 19:05]

Skemmtilegt að þú minnist á Hvalfjarðargöngin. Þegar þau voru vígð skáluðu fyrirmenn í kampavíni... og keyrðu svo í gegn ;)

Enn á ný, þá snýst þetta ekki um hvort fólk lendi í einhverjum áfengisvanda eða fíkn. Hvort fólk breytist í róna. Þetta snýst um þann landlæga heilbrigðisvanda sem neyzla áfengis er. Þetta er dýrt spaug fyrir þjóðarbúið því afleiðingarnar eru svo miklu meiri en þær að einhver 10% þjóðarinnar verði sjúkir alkóhólistar, Lifrarsjúkdómar t.d. Á Spáni, Ítalíu og Frakklandi er hæsta dánartíðni af áfengistengdum sjúkdómum í heimi með tilheyrandi kostnaði. Mér finnst það umhugsunarvert.