Söfnun: Aukum varaforða Seðlabankans

Steingrímur J. Sigfússon, fjármálaráðherra bresku ríkisstjórnarinnar, telur nauðsynlegt að auka varaforða Seðlabankans, til að krónan okkar hrynji ekki enn frekar en orðið er.

Sumir taka undir, t.d. þessi, en aðrir eru ekki eins sannfærðir. Ég hef enga skoðun á málinu og ætla bara að treysta því sem okkar ágætu stjórnarherrar fullyrða.

Ég hef hinsvegar heyrt að málið sé ekki svo einfalt að hægt sé að koma upp varaforða svona einn, tveir og þrír. Ríkissjóður þarf að sjá um það, en hann er víst alveg galtómur og ræður ekki við verkefnið nema með því að taka stjarnfræðilega há lán í útlöndum.

Þess vegna hef ég ákveðið að hrinda af stað söfnun meðal landsmanna undir heitinu

 

Aukum varaforðann

 

Koma nú góðir landsmenn! Styrkið gott málefni! Margt smátt gerir eitt stórt.

Ég skal byrja með þessu rausnarlega framlagi:

 

 

 

Athugasemdir

[Rósa Aðalsteinsdóttir, 13.8.2009 kl. 20:39]

[Theódór Norðkvist, 14.8.2009 kl. 03:09]

Sæl Rósa mín. Takk fyrir innlit og broskarl. Langt síðan við höfum hist hér. Er ekki allt fínt að frétta hjá þér? Þú fórst væntanlega á kotmótið, var ekki gaman?

[Rósa Aðalsteinsdóttir, 14.8.2009 kl. 17:53]

Sæll og blessaður

Jú það er langt síðan að við höfum hist hér á blogginu. Þú tókst ákvörðun að yfirgefa okkur. Það var slæmt en vona að þú sért að koma núna af fullum krafti. Ég og bróðurdætur mínar fórum á Kotmót og það var alveg meiriháttar. Þú hefðir betur kíkt þangað. Bróðir minn kom frá Kópavogi bæði á laugardag og sunnudag.

Vona að ræður gestapredikarans verði settar á gospel.is. Hann kemur aftur og verður á haustmóti Fíladelfíu í Reykjavík um miðjan okt. Ég sá hann auglýstan þar. magnaður predikari sem er ekkert að skafa utan að því.

Guð veri með þér

Kær kveðja/Rósa