Handbolti er keppnisíþrótt. Ekki útibú frá Hjálpræðishernum

Ég veit ekki hvað ég á að segja um svona pakk og það sem ég vil segja er ekki birtingarhæft. Handbolti ér keppnísíþrótt. Markmið hvers landsliðs í stórmóti er að standa uppi sem sigurvegari að loknu mótinu.

Markmiðið er líka að vinna næsta leik, en ef lið er komið í það góða stöðu að úrslit í einhverjum leik skipta litlu sem engu máli, er mjög sniðugt að hvíla lykilmenn til að hafa þá ferskari í undanúrslitunum, þar sem allt er undir.

Danir eru ekki skyldugir til að reka einhverja félagslega aðstoð við önnur þátttökuríki í þessu móti, til að taka þau með sér í undanúrslit. Sæti þar eiga að ráðast á vellinum, ekki í einhverjum bandalögum um að vinna eða tapa leikjum til að þessi eða hin þjóðin komist áfram.

Enginn er annars bróðir í leik. Íslenska liðið hefði gert nákvæmlega það sama hefði það verið í sömu sporum og Danir voru og Danir í sporum Íslendinga, hefðu þurft á sigri Íslands að halda.

Ísland hefði án efa hvílt lykilmenn og hugsað um að spara leikmenn fyrir undanúrslitin. Hvert lið á að hugsa um sína hagsmuni fyrst og fremst og hver sé öruggasta leiðin til að komast alla leið í úrslitaleikinn. Þess vegna er handbolti kallaður keppnísíþrótt og starf Hjálpræðishersins góðgerðarstarfsemi.

Nú kann að vera að Nicolaj Jacobsen hafi gert mistök með ákvörðun sinni, þó mistökin felist ekki í að veita ekki íslenska liðinu félagslega aðstoð. Heldur einfaldlega í því að Danir hefðu mætt Svíum í undanúrslitum, hefðu þeir haft betur gegn Frökkum í lokaleik milliriðilsins.

Spánverjar eru líklega með sterkara lið en Svíar, a.m.k. unnu þeir Svíana í riðlakeppninni, þó ein úrslit segi kannski ekki alla söguna, því Ísland til dæmis vann Frakkland, Frakkland vann Danmörku, en við töpuðum fyrir Dönum. Handboltastærðfræðin gengur ekki alltaf upp.

Hvað sem öllu þessu líður, í staðinn fyrir að nöldra út af Dönum og gera okkur að fíflum í öllum fjölmiðlum þeirra, ættum við frekar að einbeita okkur að Norðmönnum í leiknum um fimmta sætið.

Þeir eru engan veginn bæði sýnd veiði og gefin. Þeir höfðu örugga forystu (þó forysta í handboltaleikjum sé sjaldan örugg) gegn Svíum, en Svíar stálu sigrinum á lokasekúndunum og komust í undanúrslit á kostnað nágranna sinna.

Vinnum við Noreg, frábært. Liggjum við illa fyrir þeim, þá bendir það til að úrslitin gegn Svíum yrðu svipuð, þó það sé ekkert víst. Eitt er ljóst og það er að þetta unga íslenska lið hefur unnið þrekvirki á þessu móti, hvort sem 5. eða 6. sætið verður niðurstaðan.


mbl.is Danir fjalla um reiði Íslendinga
Tilkynna um óviðeigandi tengingu við frétt

Er óþægilegt að heyra ráðleggingar um að drepa ekki börn?

Josef Mengele var stríðsglæpamaður nasista sem gerði tilraunir á Gyðingum, Sígaunum og ýmsum öðrum sem hann og skoðanabræður hans töldu vera af óæðri kynstofnum. Simon Wiesenthal stofnunin og ýmsir fleiri, reyndu að hafa hár í hendur hans til að dæma hann til dauða, en það tókst því miður ekki.

Núna standa yfir tilraunir á bæði æðri og óæðri kynstofnum um allan heim, á lyfjum sem hafa ekki fengist samþykkt og allsendis óljóst um langtímaáhrif þeirra. Ýmislegt bendir til að þessi lyf valdi stórskaða. Íþróttamenn í heimsklassa hafa verið að hníga niður í áður óþekktum fjölda. Tilviljun að það skuli einmitt gerast eftir að bólusetning hófst?

Ég vona og bið að þeir sem standa fyrir þessum tilraunum í stíl stríðsglæpamanna nasista muni á endanum verða dregnir fyrir dómstóla, líka íslenskir lyfjatilraunastofustarfsmenn og hljóti ekki mildari dóma en nasistarnir á sínum tíma.


mbl.is „Óþægilegt“ bréf um bólusetningu barst skólum
Tilkynna um óviðeigandi tengingu við frétt

Fyrst og fremst uppreisnarseggir sem eru á móti skynsamlegum sóttvarnaaðgerðum

Það er mjög sterkt í mannskepnunni að rísa upp gegn hvers kyns yfirvaldi. Á þessa andstöðu gegn sóttvörnum verður að horfa í því ljósi. Það eru fyrst og fremst uppreisnarseggir, stjórnleysingjar og frjálshyggjumenn sem eru á móti eðlilegum sóttvörnum. Þeir hafa alltaf verið á móti yfirvaldi, þannig að nöldrið í þeim er ekkert nýtt. Flestir aðrir a.m.k. eiga að geta sýnt þolinmæði og ekki fara á taugum.

Ég get ekki séð hvert er vandamálið þó maður geti ekki þvælst um haugfullur á öldurhúsum langt fram á morgun, eða megi ekki fara í sund. Það er hægt að fara í sturtu eða heitt bað heima hjá sér, þó vissulega sé rétt að gæta að hreinlæti þegar látið er renna í pottinn, bara vegna eigin fjölskyldumeðlima.


mbl.is „Hvenær er eðlilegt að fólk deyi?“
Tilkynna um óviðeigandi tengingu við frétt

Góða fólkið með fyrsta hryðjuverkið á Íslandi

Það kann að líta einkennilega út að fólk sem gefur sig út fyrir að vera á móti stríði, vilji opna öll lönd og taka með útbreiddan faðminn á móti öllum sem eru að flýja stríð og fátækt, skuli reyna að drepa saklausan mann.

Ljóst er að ekki er allt sem sýnist. Hvernig geta yfirlýstir andstæðingar hatursáróðurs verið það fullir af hatri á einhverjum að þeir reyni að drepa hann? Spyr sá sem ekki veit.


mbl.is Telur að eitrað hafi verið fyrir sér
Tilkynna um óviðeigandi tengingu við frétt

Refsidómar Guðs í Gamla testamentinu og yfirlýsingar páfans

Kristnir í Egyptalandi búa við hræðilegar ofsóknir, eins og nýleg hryðjuverk gegn þeim sýna vel. Samt eru þau hryllilegu voðaverk eflaust bara toppurinn á ísjaka ofsóknanna gegn þeim.

Eins og margir vita, leikur Egyptaland stórt hlutverk í Biblíunni og þar með í kristilegri sögu og menningu. Egyptaland var stórveldi á dögum Móse, þegar Guð leiddi Ísraelsmenn út úr Egyptalandi og landið kemur mikið við sögu í bókunum um spámennina. Sagt er að Markús, sá sem Markúsarguðspjall er kennt við, sé stofnandi koptísku kirkjunnar.

Þessi kirkja í Egyptalandi er því stórmerkileg, en um hana ætla ég ekki að fjalla nánar í þessari blogggrein. Það sem knúði mig til þessara skrifa, voru ummæli bloggara á öðrum vettvangi, um að Guð væri grimmur harðstjóri. Hann vitnaði til þess atburðar, þegar Guð deyddi alla frumburði í Egyptalandi, til að knýja Faraó til að sleppa Gyðingum, hans útvöldu þjóð, lausri úr þrælaánauðinni sem hann hafði lagt á þá.

Við skulum skoða nokkrar biblíutilvitnanir, sem hafa verið notaðar til að sýna fram á meinta grimmd Guðs Biblíunnar. Byrjum á fyrrnefndri deyðingu frumburðanna.

Um miðnæturskeið laust Drottinn alla frumburði í Egyptalandi, frá frumgetnum syni Faraós, sem sat í hásæti sínu, allt til frumgetnings bandingjans, sem í myrkvastofu sat, og alla frumburði fénaðarins. - 2. Mósebók 11:29

Þegar Guð hótar, þá framkvæmir Hann það sem Hann hótar, ef sá sem hótunin beinist gegn, gerir ekki það sem hann á að gera og var tilefni hótunarinnar. Það væri slappur Guð, sem myndi einungis hóta og aldrei standa við hótanir sínar.

Í köflunum á undan í þessari frásögn, kemur fram að Guð var margbúinn að vara Faraó við. Dauði frumburðanna var síðasta plágan í röðinni af tíu plágum. Í hvert skipti þegar Faraó hafði verið boðað að það væri ákveðin plága á leiðinni, ef hann leyfði ekki Gyðingum að fara, þá ýmist harðneitaði hann, eða var með einhver undanbrögð, til að kaupa sér tíma.

Það verður að athuga að Guð er sá sem ræður yfir lífi og dauða hvers einasta manns á jörðinni og undir henni líka, ef út í það er farið. Þess vegna er merkingarleysa að tala um að Guð fremji morð. Margir segja að lífið sé réttur og allir menn eigi hin og þessi réttindi. Það er rangt. Lífið er gjöf, ekki réttur. Guð skuldar okkur ekki neitt.

Hinsvegar skuldum við Honum mikið. Öll brot okkar gegn lögmáli Guðs, eru færð kreditmegin í bókhaldið hjá Honum, sem skuld. Að taka við fyrirgefningu Jesú Krists, færist hinsvegar debetmegin, eignfærist. Það núllar út skuldina og gott betur. Án þeirrar eignfærslu stendur maðurinn berskjaldaður gegn reiði og dóm almáttugs Guðs. Ekki góð staða að vera í.

Á einhverjum tímapunkti tekur langlundargeð Guðs enda. Faraó komst að því á frekar sársaukafullan máta. Völd hans og auður gátu ekki bjargað honum frá þeim almáttuga Guði sem hann taldi sig geta reitt endalaust til reiði og traðkað á boðorðum Hans. Við erum eins og Faraó að því leyti, að við erum öll á skilorði. Hvenær er okkar tími á enda?

Mig langar í lokin að fjalla aðeins um aðra frásögn í Gamla testamentinu, sem einnig hefur verið notuð til að réttlæta harðstjórastimpilinn á Guð.

1Samúel sagði við Sál: "Drottinn sendi mig til þess að smyrja þig til konungs yfir lýð sinn Ísrael. Hlýð því boði Drottins. 2Svo segir Drottinn allsherjar: Ég vil hefna þess, er Amalek gjörði Ísrael, að hann gjörði honum farartálma, þá er hann fór af Egyptalandi. 3Far því og vinn sigur á Amalek og helgaðu hann banni og allt, sem hann á. Og þú skalt ekki þyrma honum, heldur skalt þú deyða bæði karla og konur, börn og brjóstmylkinga, naut og sauðfé, úlfalda og asna." - 1. Samúelsbók 15:1-3

Vissulega frekar blóðugt. Ekki nóg með það, heldur framkvæmdi Sál þetta boð slælega, þ.e. þyrmdi besta fénaðinum, sem varð til að Guð hafnaði honum sem konungi og veldi hans hrundi til grunna. Dauða hans bar að með þeim hætti að hann lét fallast á sverð sitt (þaðan er orðtakið fræga komið) og Davíð tók við. Röng breytni Sáls er reyndar áhugavert umfjöllunarefni, en ég ætla ekki að fjalla um þessa sögu út frá því sjónarhorni núna.

Aftur er svarið það sama. Guð er dómarinn og lífgjafinn, sá sem getur frelsað og tortímt (Jakobsbréfið 4:12.) Ekki við sem þrösum öðru hvoru á blogginu, á Facebook, eða í fermingarveislum, kjötheimum, eins og tölvunördarnir kalla það stundum.


mbl.is Ekkert ofbeldi í guðs nafni
Tilkynna um óviðeigandi tengingu við frétt

Heimsk speki

Sömu flokkarnir og hafa unnið skemmdarverk á kristinni trú í þjóðfélaginu, með því að útvísa Gídeonfélaginu úr grunnskólum Reykjavíkurborgar, er nú að koma með frumvarp um að kenna heimspeki í skólum landsins.

Þetta fólk bannaði Gídeonfélaginu að gefa börnum Nýja testamentið, undir því yfirskini að það mætti ekki mismuna á grundvelli trúarbragða. Hið opinbera yrði sem sagt að vera hlutlaust í trúmálum.

Vandamálið er að hlutleysi í trúmálum er blekking. Það er ekki til. Tökum dæmi. Íslam boðar að eiginmenn skuli berja eiginkonur sínar. Kristin trú hafnar slíkum viðbjóði og boðar að eiginmenn skuli elska eiginkonur sínar og koma fram við þær af virðingu.

Hvenær getur ríkið verið hlutlaust gagnvart ofbeldi á konum? Eina leiðin til að mismuna ekki Íslam og kristni, er að setja tvenn lög. Ein sem segja að ekki sé leyfilegt að berja konur og önnur sem segja að eiginmenn skuli banka konurnar sínar ef þær eru ekki að þóknast þeim nægilega vel? Auðvitað er það ekki hægt.

Nú þegar þetta fólk er búið að henda kristinni trú út úr sínum eigin lífum og er að nota völd sín og áhrif til að reyna að losna við hana út úr skólum landsins, sjá þau að það verður eitthvað að koma í staðinn.

Það sem á að koma í staðinn, að þeirra áliti, er einhver heimatilbúin manngerð heimspeki. Hinir ófrelsuðu telja speki Guðs vera heimsku, en Guð segir þvert á móti að speki heimsins sé heimska.

18Því að orð krossins er heimska þeim er glatast, en oss, sem hólpnir verðum, er það kraftur Guðs. 19Ritað er:

Ég mun eyða speki spekinganna,
og hyggindi hyggindamannanna mun ég að engu gjöra.

20Hvar er vitringur? Hvar fræðimaður? Hvar orðkappi þessarar aldar? Hefur Guð ekki gjört speki heimsins að heimsku?

21Því þar eð heimurinn með speki sinni þekkti ekki Guð í speki hans, þóknaðist Guði að frelsa þá, er trúa, með heimsku prédikunarinnar. 22Gyðingar heimta tákn, og Grikkir leita að speki, 23en vér prédikum Krist krossfestan, Gyðingum hneyksli og heiðingjum heimsku, 24en hinum kölluðu, bæði Gyðingum og Grikkjum, Krist, kraft Guðs og speki Guðs. 25Því að heimska Guðs er mönnum vitrari og veikleiki Guðs mönnum sterkari.

1. Korintubréf 1:18-25


mbl.is Heimspeki verði skyldufag
Tilkynna um óviðeigandi tengingu við frétt

Miskunnsami Samverjinn sem sendi reikninginn til annarra

Það er mjög auðvelt að vera góðmennskan uppmáluð á Facebook og á opinberum fundum og mannsöfnuðum. Það er nefnilega ókeypis. Hinsvegar er ekki ókeypis að vera góðhjartaði miskunnsami maðurinn í raun og veru og standa við stóru orðin. Það reyndar kostar bæði mikið fé, tíma og orku. Því metnaðarfyllri sem góðmennskan er, því meira fé, tíma og orku kostar hún. Þess vegna velja flestir Facebook-góðmennskuna, því þar geta menn auðveldlega frelsað allan heiminn.

Ég fagna því alltaf þegar fólk vitnar í orð Guðs, Biblíuna, til að rökstyðja sitt mál. Enda hafa Vesturlönd flest byggt sín þjóðfélög á þeirri speki að miklu leyti, þar til síðustu áratugina. Fólk vitnar t.d. oft í dæmisögu Krists um miskunnsama Samverjann. Hann hlúði að hálfdauðu fórnarlambi ræningja og bjargaði sennilega lífi hans. Við verðum að fylgja fordæmi hans og taka inn hvern einasta flóttamann sem er að flýja stríð og fátækt, hýsa hann, fæða, klæða og mæta öllum öðrum hans þörfum og gerviþörfum í leiðinni.

Því miður er það svo að þetta góða fólk veit augljóslega mjög lítið um hver boðskapur dæmisögunnar um miskunnsama Samverjann, er í raun og veru. Hana er að finna í 10. kafla Lúkasarguðspjalls. Þrátt fyrir að Nýja testamentið eða Biblíuna í heild, sé að finna á flestum heimilum, hefur fólkið sem talar svona, ekki haft fyrir því að fletta þessari sögu upp, að því er virðist. Við skulum aðeins skoða hvað Frelsarinn segir um þennan góðhjartaða Samverja.

Maður nokkur fór frá Jerúsalem ofan til Jeríkó og féll í hendur ræningjum. Þeir flettu hann klæðum og börðu hann, hurfu brott síðan og létu hann eftir dauðvona. Svo vildi til, að prestur nokkur fór ofan sama veg og sá manninn, en sveigði fram hjá. Eins kom og levíti þar að, sá hann og sveigði fram hjá. En Samverji nokkur, er var á ferð, kom að honum, og er hann sá hann, kenndi hann í brjósti um hann, gekk til hans, batt um sár hans og hellti í þau viðsmjöri og víni. Og hann setti hann á sinn eigin eyk, flutti hann til gistihúss og lét sér annt um hann. Daginn eftir tók hann upp tvo denara, fékk gestgjafanum og mælti: Lát þér annt um hann og það sem þú kostar meiru til, skal ég borga þér, þegar ég kem aftur.

Spurt er: Hvernig fjármagnaði miskunnsami Samverjinn allt dæmið? Svar: Með sínum eigin peningum. Með sínum eigin eigum. Hann hellti smyrslum og vökvum í sárin á manninum. Væntanlega hefur hann átt viðsmjörið og vínið sjálfur. Kannski ekki alveg sömu efni og notuð eru á Landsspítalanum, en sögusviðið er jú fyrsta öldin. Hann setti manninn á sinn eigin eyk, þ.e. asna. Hann tók upp tvo denara til að borga fyrir gistinguna, peninga sem hann átti sjálfur. Sagði síðan að ef gistihúsaeigandinn þyrfti að kosta meiru til, skyldi hann sjálfur borga honum það, næst þegar hann ætti leið hjá.

Ætla þeir sem tala um að frelsa öll Miðausturlönd og Afríku í leiðinni, að fjármagna það metnaðarfulla verkefni sjálfir?

Nei!

Ríkið (og sveitarfélögin) skulu borga allan brúsann. Hverjir eru ríkið? Eru það einhverjir aðrir en þeir sem borga skatta í landinu? Sem þýðir það, að uppihald, menntun (oft frá barnaskólagrunni þó um fullorðið fólk sé að ræða), húsnæði, heilbrigðisþjónusta og öll félagsleg þjónusta til flóttamanna, skal allt saman greitt úr vasa skattgreiðenda.

Það sjá það allir hvað það hefur í för með sér. Annað hvort verður þá að hækka skatta stórlega, eða skerða lífskjör fólksins í landinu verulega. Hjá flestum öðrum en þeim sem eru áskrifendur að launum frá hinu opinbera eða tóku þátt í að ræna landið innan frá og lifa á ránsfengnum, er löngu komið að þolmörkum hvað skattahækkanir varðar og það er búið að skera inn að beini í flestri opinberri þjónustu.

Þeim sem hafa komist í gegnum þessa löngu færslu mína,  ætti að vera ljóst að komið-þið bara-allir-stefnan í innflytjendamálum, er glórulaus. Ef ekki, þá veit ég ekki hvað ég get gert fyrir ykkur. Lokaskilaboð mín eru þessi:

Borgið þið sjálf fyrir ykkar eigin góðmennsku, eða með að safna frjálsum framlögum. Það gerði Guðrún Margrét Pálsdóttir, stofnandi ABC-hjálparstarfs og fyrrum forsetaframbjóðandi, sem þjóðin hafnaði í forsetakosningunum og valdi í staðinn mann sem hefur ekkert gert sjálfur fyrir flóttamenn að ég best veit, nema láta taka myndir af sér með þeim. Enn eitt eintakið af miskunnsama Samverjanum sem sendir reikninginn til skattgreiðenda. Eftir höfðinu dansa limirnir, eða hvað? Ég vona ekki.


mbl.is Vilja senda ólöglega hælisleitendur til baka
Tilkynna um óviðeigandi tengingu við frétt

Múslimskur femínisti - þessi tvö hugtök saman eru mótsögn

Múslimi getur ekki verið femínisti. Ekki frekar en að hringur getur verið ferhyrndur, eða ferhyrningur kringlóttur. Þessi tvö orð saman eru mótsögn. Ef einhver vill berjast fyrir réttindum kvenna, verður hann/hún að hætta að vera múslimi.


mbl.is Slæðunni svipt af fordómum
Tilkynna um óviðeigandi tengingu við frétt

Jafngildir yfirlýsingu um að verðtryggingin sé ónothæf

Pínleg staða Íbúðalánasjóðs er í sjálfu sér skýr vísbending um skipbrot verðtryggingarinnar, en orð forstjóra sjóðsins er enn skýrari vísbending um það. Hann segir:

Sjálfur áleit ég að lánasafnið myndi styrkjast þegar leiðréttingum á gengis- og bílalánum væri lokið, að þegar allt þetta væri um garð gengið færum við að sjá bata.

Forstjórinn virðist ekki skilja að gengistryggð lán og bílalán eru aðeins hluti lánavandans, en Hagsmunasamtök heimilanna hafa verið að vekja athygli á því í langan tíma, að verðtryggð lán eru miklu stærra vandamál. Mun fleiri eru með verðtryggð húsnæðislán og eðli málsins samkvæmt er um miklu hærri upphæðir að ræða þar heldur en í bílalánunum.

Það verður tæplega nokkur bati meðan kerfið býr þannig um hnútana að verðtryggð lán heimilanna hækka stjórnlaust meðan launin standa í stað og lækka jafnvel með minni atvinnu. Svigrúm flestra til að leyfa sér einhverja aðra neyslu en þá allra nauðsynlegustu er mjög lítið.

Eitt er þó rétt hjá forstjóranum, en það er að vandinn eigi eftir að versna þegar greiðslufrystingunni lýkur hjá þeim sem eru í henni, enda leysir maður sjaldnast vandamálin með því að fresta þeim.

 


mbl.is ÍLS óttast að tapa meira fé
Tilkynna um óviðeigandi tengingu við frétt

« Fyrri síða | Næsta síða »

Um bloggið

Theódór Norðkvist

Höfundur

Theódór Norðkvist
Theódór Norðkvist

Vettvangur fyrir það sem mér liggur á hjarta.

Nýjustu myndböndin

Sambataktar í Malmö

Sambataktar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband